? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

hi5

الأحد، 4 أكتوبر 2009

وحشتنى اوى

بابا حبيبى ليه ياخدوك

ليه يحبسوك

انت عملت ايه

انت هناك ليه

هو انت علشان بتقول الحق

وتعرف الناس الطريق الصح

يبهدلوك

ربنا قادر عليهم

انا حاسة بيك دلوقى

كانفسى تكون سامعنى

وقلبى عمال بيدعيلك

ترجع ليا بألف سلامة

ومهما ظلموك ومهما خوفوك

انت قوى

وانا عمرى ماهسيب المصحف

ولما اكبر هكون زيك
ومش هخاف

يارب تطلع يابابا وترجع لينا بالسلامة انا واخواتى

كلنا مستنيينك انت وحشتنا

ادعولوا انه يطلع بسرعة

دا كان راجع من السفر علشان يذاكر علشان امتحان الاستاذية

مش عارفة اقول ايه تانى بس ربنا معاكم
وان شاء الله ينصركم

28 التعليقات:

------ يقول...

حبيبتى

خليكى قوية

انا عارفة انك زعلانة

بس بابا هيكون مبسوط اوى

لما تكونى قوية لما متعيطيش

لما تذاكرى وتجيبى مجموع

هو هيكون مبسوط لما تفضلى ماسكة المصحف وتحفظى

هو نفسه تختميه اوعى تزعليه

ومهما قالوا ومهما عملوا خليكى واثقى انه هو الصح

اوعى تخافى ولا تمشى جنب الحيط

لا كونى شجاعة واتكلمى وقولى اللى جواكى كله

انا عارفة ان انت صغيرة بس عقلك كبير
وبتفهمى

ربنا يصبرك ويصبر مامتك واخواتك حبيبة قلبى

دايما قولى حسبنا الله ونعم الوكيل

وخليكى عارفة ان الله يمهل ولا يهمل

شاب فقرى يقول...

قولى يارب

وإن شاء الله يرجعلكم بالسلامة

يارب

MOHAMMED ELBANNA يقول...

تويتي
ولا يهمك وكونى قوية
وبابا هيرجع بخير ان شاء الله
وهيكون احسن من الاول كمان واكيد حبايبة مش سيبينة لوحدة وديماً جنبة .
تقبلي مروري
محمد البنا
طريق النجاح
ـــــــــــــــــــــ
(ولا تحسبن الله غافلاً عما يعمل الظالمون )

yasmina يقول...

انا كنت بحسب انى علقت والله بس متاخرتش برضو
ادخل فى الموضوع بقى
انا مش هطول عليكى بس يارب يارب تقرى التعليق
شوفى يا باربى
انا عارفة ان دة باباكى
يعنى اغلى انسان عندك تمام
وعارفة برضو ان الموقف صعب وصعب اوى كمان
وعارفة انه وحشك اوى
كل دة انا عارفاه وحسة بيكى والله
بس
احنا مش عايشين عشان نفرح وبس لأ نفرح شوية نحزن شوية نضحك نبكى
كل دول لازم يحصلوا فى حياتنا
دة امر واقع
نتظلم ويحصل اى حاجة
عادى
ليه عادى عشان احنا دايما معانا ربنا اللى هو اقوى منى ومنك ومن اى حد
واللى هو الوحيد اللى هيقدر يحل المشكلة دى
بدعواتنا وصلواتنا وكل الحاجات الحلوة الجميلة دى
مش بالبكاء ولا باى وسيلة تانية
يبقى احنا نهزم الموقف الصعب دة ونكون اقوى منه
الموقف قوى وصعب بس انا اقوى منه
ندعى ونصلى انه يرجع تانى
واوعى مع الحاجات الجميلة دى تخافى او تضعفى
انتى مش صغيرة انتى كبيرة اوى كمان
لان عقلك كبير وهتفهمينى

yasmina يقول...

معلشى انا طولت عليكى او حبيبتى بس المهم انك تكونى فهمتينى بجد
وانا بكلمك زى اختى الصغيرة بالظبط
والله وربنا يعلم
خلاص اتفقنا
وان شاء الله دعواتنا كلها تستجاب
وتنزلى بوست قريب تطمنينا على بابا
حبيبتى كونى دايما اقوى من اى حاجة فى الدنيا
سلام وابقى عشان خاطرى طمنينى بجد
سلام

♥نبع الغرام♥♪≈ يقول...

حبيبتى قلبى معاكى

ربنا ينتقم من كل ظالم وحسبى الله ونعمة الوكيل ان شاء الله يرجع بالف سلامة وربنا مش هيضيع حق اى حد مظلوم

Unknown يقول...

ربنا يفك اسر
كل أسير يارب
ربنا ينصر
الحق ويهزم
الباطل
قادر ياكريم
يارب العالمين.

adel يقول...

ربنا يرجعهولك بالسلامة يارب

Yusuf يقول...

يمكرون ويمكر الله والله خير الماكرين

ان شاء الله يرجع بالسلامة قريب

حسبنا الله ونعم الوكيل

تقبلي تحياتي

funky girl يقول...

ان شاء الله هيرجعلك بالسلامة و قريب يا رب
انتي لزم تتماسكي و متضعافيش و خليكي قوية عشان ان شاء الله يفرح بيكي
ربنا معاكي ان شاء الله و حاولي تتماسكي
انا عارفة اد ايه انتي واحشك باباكي بس لازم برضه تبقي قوية
ربنا يفك اسره ان شاء الله و اصبري و ان شاء الله يجي بسرعة

Soul.o0o.Whisper يقول...

باربى يا جميلة


إن شاء الله بابا هيطلع بالسلامة
و يرجعلكوا من تانى و تفرحوا بيه معاكوا


بس يا تويتى أكيد لما يرجع عاوز يشوفك شاطرة و بتذاكرى و متفوقة


ياللا يا جميلة
ادعيله على طول
و حافظى على المصحف

و إن شاء الله لما يرجع يفرح باللى انتى بتعمليه :)


تحياتى يا جميلة

شوكولاتة يقول...

ربنا يرجعهولك بألف سلامة قريب قوي وياخدك في حضنه وتاخديه في حضنك الصغير الدافي ويفرح بيكي لما يشوفك بتذاكري

ربنا يصبرك ويصبر مامتك واخواتك وينصره

حـــــروف متــبعترة " عــمرو الشــايب يقول...

باربي

اولا الى بيحب حد بيعمل اى حاجة تبسطة و تريحة مش تزعلي عشان بابا لو عرف انك زعلانة هيتضايق صلي و ادعي ربنا و زاكري و هاتى فل ماركس و خليكي مؤمنة ان ربنا ان شاء الله هيخرج بابا قريب ان شاء الله

عاوزك كدة بنوتى الجادعة و عاوزك مبسوطة و فرحانة دايما عشان تسعدي بابا

و ان شاء لله فرج ربنا قريب

انا معاي و عاوز اشوفك عملتي اية ف المدرسة ف اول يوم

محمود رياش يقول...

ربنا معاكى يا عسل

خليكى قوية وخلى عندك دايما امل فى الحياة...

اكيد بابا هيرجع بالسلامة
كلنا بنحب بابا..وبنحبك
ودايما كلنا معاكى


http://mahmoudryash.blogspot.com/
مدونة غمض عينيك .. عن النجاح فى الحياة وتطوير الشخصية..

بيطرية ومش بايدى يقول...

حبيبتى
يا حبيبة بابا عارفة لو بابا عرف انك كتبتى الكلام الحلو ده هيفرح بيكى جدا ويقول انك احلى واجمل بنوتة فى العالم
عارفة ربنا عمل كده ليه عشان يختبره يمتحنه عشان يعرف اذا كان بابا بيحب ربنا اوووى ولا لأ نعمل احنا ايه بى لازم نصبر ونقول يارب احنا سمعنا كلامك ومارضيناش نزعلك عشان ندخل الجنة و
انتى على طول تدعى ربنا يارب سهل على بابا كل صعب وانصره وخفف عنه وابعد عنه ولاد الحرام
واكييييييييييييد ربنا هيستجيب ليك يا قمراية واوعى اوعى خالص تضعفى او تعيطى او اى حاجة تانية وقولى لماما اصبرى يا ماماتى يا حبيبتى بابا معملش حاجة غلط وعمره مايزعل ربنا
وهيجى منصور باذن الله
اوعى تعيطى عشان لو عيطتى انا كمان هعيط اوى والله كنت هاعيط دلوقتى شوفتى بقى
فى رعاية الله يا حبيبة بابا وروح ماما وحبيبة قلبنا كلنا

همس الارواح !! يقول...

ربنا معاكى

وقلوبنا كلنا معاكى

وان شاء الله يرجع بالف سلامه

وادعيله ...

ربنا يقويكى يارب

ويرجعه بالف مليون سلامه

قولى امين

غير معرف يقول...

حبيبتى ان شاء الله بابا يرجعلكم بالف سلامه

ادعيله واعرفى ان ربنا معاه ومش هيسيبه وهيجبله حقه من اللى ظلمه

ربنا معاه يارب ويفك كربه

ويحميكى ويحفظك

ويخلهولك اميييييييين

Mano يقول...

انشاءالله هاريرجع بالسلامة وربنا هايحميه هو واللي زيه من اي شر كوني شجاعة واتحملي الموقف علشان ماما واخواتك وربنا يصبركوا يارب

مهرة سالم يقول...

السلام عليكم...
حبيبتي ...
ربنا يبارك فيكي وجزيكي خير على خوفك على باباكِ...
إدعيله قوي قوي قوي يا قمر..
ونحن كمان حندعيله....
اللهم إرجعه لهم سالم آمن يا قدير ...
.....
مش تسيبي المصحف أبدا ويارب تحفظيه عن غيب يارب..
ماتتصوريش فرحت بباكِ فيكي لما تكوني قويه وما تعيطيش ...
.......
أستودعك الله حبيبتي ...

حبات التوت يقول...

باربى ياحبيبة قلبى

ربنا يرجعللك باباكى من ازمتة

ويسرلكم اموركم

ان شاء اله هيرجع ليكم قريب

خليكى قوية ومش تضعفى ياحبيبتى وقولى يارب


ويلا

زهور الامل يقول...

يا حبيبتي يا تويتي
ربنا يرجعه ليكوا بالف سلامة

وان شاء الله ان بعد العسر يسر
خليكي قوية وجامدة مهما حصل ومادام انتي على الحق فلا تتخافي
ان شساء الله ربنا يرجعه بسرعة وبالف سلامة يا حبيبتي ومتقلقيش
ومتضعفيش قدام مامتك واخواتك واتمسكي بكتاب الله وسنة نبيه ولا تخافي في الله لومة لائم

ومتخليش ده ياثر على دراستك ومذاكرتك

فرحي باباكي باجتهادك وصبرك وتحملك للمسئولية
وادعيله ان ربنا يفك اسرة يا حبيبتي

GiGi world يقول...

حبيبتى يارب يرجع لكم بالف سلامه
يارب يرجع قريب جدا بمليون سلامه وماذلك على الله بعزيز
يارب دايما تبقى فى خير انتى واهلك واباك يارب

أم بتول يقول...

أن شاء الله ها يرجع لكم قريب جدا ، و أحسن و أقوى من الأول ، ماتخافيش علية ، هو عارف أن ربنا معاه وها ينصره ودة بيقوية أكتر ، ثقته فى الله كبيرة ، وخلى ثقتك فى الله أنت كمان كبيرة و أعرفى أن ربنا هاينجية و ينصره لأنه بيقول الحق وما يرضى الله ، ربنا يحفظكم حبيبتى من كل مكروه وسوء ، و طمنينا عليكم ، ولو فى أى حاجة أنتم محتاجينها إن شاء الله ربنا يوفقنا و نقدر نعملها ولو مشوار ، خلينا نحس أننا أهل و قدرنا نرد الجميل لبابا لأنه إلى بيقوله مش ليه و لكم بس لأ دة لينا كلنا ، ربنا يحفظه لكم و يرده إليكم ردا جميلا .

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين ويوفقك ... وان شاء الله بابا هيطلع بالسلامة وينور البيت .. وان شاء الله كلنا نوحد الدعاء انة يرجع كل مظلوم لاهلة اللهم امين ... ويكرم زريتة بالصبر ويوه عليهم الفراق اللهم امين

موناليزا يقول...

ولو انى مش فاهمة هو ايه اللى حصل بالظبط
بس ربنا يطلعه بالف سلامه ويرجعلكم تانى قريب ان شاء الله

noon kiko يقول...

انا كان نفسى اعرف الاول هو بباكى اتعمل معاه كده ليهظ
ايه اللى عمله
فلو ممكن تحكيلنا الاول لان فى كتير مننا ميعرفكيش
وعموما ربنا يرجعهولك بالف سلامه

أبــــو ضـــيــاء يقول...

السجن للرجاله , مش اي سجن , سجن الناس اللي بتقول الحق بس

ربنا يفك سجنه ويجعل الموضوع ده وسام على صدره

ذكرى رحيل قلم يقول...

ربنا ينصرة متقلقيش هما يومين وهيجي وبعدين له الاجر والثواب وان شاء الله يخرج بالسلامة ويعود اليكم سالم غانم

ربنا معاه ومع كل المسلمين