اولا القصة دى بتاعت اختى الصغيرة اريج
هى قالتلى انا عندى حاجة فى دماغى
ولو سمحتى حطيها فى النت بتاعك ههه
همليكى انت اكتبى
(هى لسه صغيرة مبتعرفش تكتب )
بس هى شافتنى بكتب قصص وبحطها هنا
قالت وانا كمان ههه
صلوا على النبى
كان فيه ارنب ماشى لقى بنت فلة هى كانت ماشية
رايحة المحل علشان تجيب حاجة لصحابتها وهى رايحة تزورها
وهى ماشية لقت الارنب بيعيط قالت انت بتعيط ليه
قال اللعبة بتاعتى ضاعت وهى ماما لسه جايباها وانا زعلان
قالتلوا لا متزعلش دور عليها وادعى ربنا وهتلاقيها
وباست الارنب ومشيت
جه بابا الارنب وهو راجع من الشغل لقاه عمال يعيط فى الشارع قاله مالك قالوا اللعبة الجديدة ضاعت منى
قالوا معلش دور عليها وهتلاقيها بس متتأخرش قالوا حاضر
وقعد يدور فى الشوارع كلها اللى مشى فيها
وبرضو مش لقاها وبعدين قال خلاص وروح البيت
وقعد يعيط مامتوا قالتوا مالك قالها اللعبة بتاعتى ضاعت
منى وانا بلعب بره قالت انت اصلا مش بتحافظ على
حاجاتك ومهمل وانا قولتلك ميت مرة متاخدش اللعب بتاعتك بره
قالها انا اسف واخر مرة والله وصدقينى مامتوا قالتو
ا خلاص وعلشان انت وعدتنى عندى مفجأه
وادتوا كيس فيه اللعبة بتاعة الجوهرة اللى بيحبها
فرح خالص وراح باس مامتوا
وفى يوم صحابوا كلهم كانوا رايحين يلعبوا
هو طلع بره واخد اللعبة معاه تانى ومستأذنش
وكمان ضحك على مامتوا لما قال انا اسف ومش هعمل كدا تانى
وهو كدا وحش وهيروح النار صح ؟
وهو بيلعب
اللعبة قامت اتكسرت قعد يعيط علشان كدا
معدش عندوا لعب كلاها اتكسرت وضاعت
وكمان مامتوا مش هتجيبلوا حاجة تانى
قعد يعيط ويقول انا هعمل ايه دلوقتى وروح البيت
مامتوا قالتلوا مالك فيه ايه تانى قال مفيش وكذب عليها كمان
دخل الاوضة وعيط وقال يارتنى سمعت كلام ماما
وشرب العصير ونام
وتوتة توتة خلصت الحدوتة
28 التعليقات:
هى جميلة يااريج
بس انت تعبتينى
وفى الاخر بقولها ايه اللى جاب العصير
فى الاخر
ومكنتش عايزة اكتبها
قالت يوه انت شلتنيى وهبلتينى
اكتبى زى مابقولك
هو انت لما بتكتبى حد بيقولك حاجة ههههههههه
بجد انا بحبك خاالص
ويارب كدا تروحى المدرسة
وتكتبى وتقرى
ونكتب سوا فى المدونة
هههههههههه
ايه دا يااريج
ربنا يحميكى
معلش ياايثار
اختك برضو استحمليها
ويارب اشوفكوا انتو الاتنين
حاجة قد الدنيا
بس سؤال يعنى
بس برضو هنتغاضى لانك نونو لسة
بس الله اكبر على دماغك
يابنت خاالتى
عندك رد حاجز على كل سؤال ههه
ايه لزمة البت فله اللى فى الاول
ماكان ممكن تدخلى فى الموضوع على طول من غير فلة اللى قالبها دى
ههههههههه
طب هو زعلان ليه نفس يشرب العصير
ولا دا انت اللى نفسك تشربى ههه
هههههههههههه
قصه حلوه ياأحلى ارنوبتين :d
الله يخليكم ولا يحرمكم من بعض يااارب
دموع ليش دايم تسبقيني في الرد :@
حلوه يااريج تاخدى لقب اصغر مدونه
هههههههههههههههههههه
حبيبتى وعسولتى
بجد قصه جميله اوى
وفكره حلوه
ربنا يكرمك ويوفقك يارب
تسلمى يا عسل يا صغنونه
اموااااااااااااه
:)
ما شاء الله عليكم
ربنا يحميكم
بس حاولى تقنعى اريج بالنهايات السعيدة
اوكى ؟؟؟
وربنا يحفظم ويحميكى يارب :)
انا متابع المدونة من بعيد
يمكن اقرا ومردش
بس خلاص هرد من هنا وجاى
واشكرى لى اختك اوى وقولى لها تكتب تانى
لاننى ببساطة فى حاجات فى القصة عجبتنى اوى
تحياتى
فى أمان الله
ازيك يا قمر وازي اريج اختك
وحشاني اوي اوي اوي
ايه يا جميلة ده العيلة كلها ما شاء الله هيطلعوا مؤلفين ولا ايه
القصة جميلة وبوسيلي اريج وسقفيلها كمان بالنيابة عني
متغبيش تاني وابقي طمنينا عليكي
وشرب العصير ونام هههههههههههه
يااااااااااااه
طب اشمعنا عصير مش لبن
ياااااااااااه والله انتو الاتنين عسل
مواااااااااااااااه
ماشاء الله عليكوا اريج هتطلع مؤلفة هااااااايلو وبرافو عليكى انك كتبتيها عشانها يعنى بتساعدوا بعض انتوا كده اخوات حلويت ربنا يخليكوا لبعض
تسلم ايديك يا قمراية وخدى بوستين واحدة ليكى وواحدة لاريج
خيال واسع وجميل , بس تقريبا كده دي ترجمة لقصه حقيقية , ههههههههههههه
ربنا يخليكوا لبعض
خيال جميل لبنوته أجمل أن شاء الله تكبر و تبقى كاتبة كبيرة لأحلى قصص أطفال ، ربنا يخليكوا لبعض و يبارك فيكم يارب .
هههههههههههههههههههههههههه
هاى باربى ازيك واحشانى موت والله
وعلى فكرة القصة رائعة فعلا والله
واخت باربى وبنت خالة توتة ( همسات على ضوء القمر ) ما خلاص مافيش دموع بقى
لازم تكون كدة بجد
تحياتى ليكم كلكم
سلااااااااااام يا احلى باربى فى الدنيا
واحلى اريج وتوتة كمان
ههههههههههههههه
سلام
حلوه وايد :)
ما شاء الله عليها
ربنا يبارك فيها
بس مستغربه من شئ اللي نعرفه زمان كانوا بيشربوا اللبن قلب عصير دلوقتي والا ايه والا دا اسمه تحديث ..
موفقه يا اريج ..
هههههههههههه جميله اوى القصه
العيله كلها فنانه ولا ايه
اللهم لا حسد
ههههههههههههههههههههههههههه
ازيك يا تويتى
القصه وربنا عسل
بس بجد
انا لما قريت النهايه
كنت هعق على ظهرى من كتر الضحك
فكرتنى بالنكته بتاع
واحد قال لمراتع اعملى كوبايه شاى
قالتله ليه شايفنى دولاب
قام السرير نط فى البحر
والتنين عيط
والراجل شرب العصير نام
بجد احلى حاج
عيط
وشرب العصير ونام
هههههههههههههههههههههه
ده الطفل
هيعيط
بس هيسرب العصير
مفيش فايده
المهم ثم الاهم
نورتينى يا تويتى
واسم اختك جميل قوى
على اسم خالتى
سلام يا سلفستر
تويتي
انا دخلت من كام يوم والنت فصل معرفتش اكمل القصة
بس قرأتها الان
وفعلا قصة جميلة
ولولا ان العصير كان في الاخر مكنتش هأتخيل ان ده كلام اريج
كنت هأقول انك كتبتيها نيابة عنها
او ساعدتيها
بس العصير ده اكد لي انها من تأليف اريج
ربنا يكرمكم
ويارب بابا يطلع قريب ويشوف الحاجات الجميلة دي
هيفرح بيكم جدا ان شاء الله
هههههههههههههههههه
ايه القصص الجميلة دي
صلي علي النبي
قصة لذيذة جدا
وشكرا لمرورك الكريم
واتمنى انك تزورينى مرة تانيه وتحاولى تفهمى الكلام انت اول حد يقولى انه مش فاهم المعانى دى
قصة جميلة
تسلم الايادى
مع خالص تحياتى
هههههههههههههههه
ربنا يحميكي يا ايثار وتقريبا ديه اول زياره لمدونتك وان شاء الله اتواصل معاكي وايه القصه الحلوه ديه اكيد اختك سمعتها في المدرسه او الحضانه بس هي ألفت حتتين علي فكره فيها الاولي بتاعه فله والتانيه بتاعه العصير بس يلا مش لازم اهي قصه عسوله وخلاص
وايه المدونه الحلوه ديه انتي اللي عاملاها لوحدك كده لا بجد شطوووووووره وربنا يوفقك وسلميلي علي اختك
اية الجمال دة ربنا يحميكى يارب قصة جميلة يابنوتة
تقبلى مرورى
heba
ازيك يا باربى
وانتى يا اريج
جميلة القصة والاجمل انها من ارنبوتين نونو اوى سطو على عالم التدوين ببراءة جميلة اوى زى ما قلت لك قبل كده هاوقولك تانى ان قلمك قدر ياخد مكانه بين قلوب الناس هنا ربنا يا رب يبارك فيكم ونسمع انك بقيتم اجمل حاجة فى الدنيا يارب
ازيك يا تويتي
لا لا انا مش مصدق
العيلة كلها عندها حس أدبي
ربنا يخليكوا لبعض
تحياتي
السلام عليكم
ازيك يا قمريا
قصة جميلة من عقل نونو
ربنا يخليكوا لبعض
دمتي بحب وود
آهو دا هو عقاب اللى
ما يسمعش كلام مامتو وباباتو
إرسال تعليق