? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

hi5

السبت، 28 نوفمبر 2009

زرت بابا وادانى جوااب




السلام عليكم

انا رحت لبابا اول امبارح يوم الوقفة
صحيت بدرى الساعة 3 ولبست هدومى انا واريج ونزلت انا وماما واخواتى الساعة 4 وركبنا العربية وعدينا على تيتا
وانا فى الطريق اتسحرت وبعدين الفجر اذن وصليت فى العربية انا كنت واخده معايا طرحة علشان الصلاه
وبعدين وصلنا الساعة 9 احنا اتأخرنا فى الطريق علشان تهنا معرفناش الطريق بتاع بابا

حطينا الشنط واتفتشت والناس اللى هناك فتشونا وبعدين دخلنا وفضلنا مستنيين كتيييير وبعدين دخلنا فى حته كماان وسجلنا اسمائنا
وبرضو فضلنا مستنيين وبعدين جم فنشونا تاااااانى بس بقى بهدلوا الاكل اللى جايبينه لبابا وكسروا العيش وروموا المخدة والبطانية اللى كنا جايبينها ومش رضويوا يدخلوها واصلا المكان هنااك وحش ومش نضييف خاااااالص وكنت هعيط وفضلت ادعى على الظابط الوحش اللى بهدل الحاجة وبعدين
يدخلونا ودخلوا الحااجة

وبعد كدا شوفت بابا واخدته بالحضن وقعد يبوس فيا وقالى وحشتينى خالص انا مبسوطة انى شوفته وكلمته

وكماااااااااااان ادناانى اللعب جمييلة وادنى اخويا واختى الكبااار مصحف جميييل
وكمااااااااان ادانى انا وارييج العدية بتاعة العيد

وادانى جوااب جمييل خالص وفيه كلام حلو
وقالى اخلى بالى من اخواتى ومش ازعلههم واسمع كلام ماما
واخلى بالى من المذاكرة
وكماان جوااب فيه قصتييت هبقى احكيهم هنا مرة تانية

وكمااااان اسلم علي كل الناس اللى بيدخلوا عندى المدونة كتييييييييير
وعلى المدرسيين اللى باخد عندهم درس

وقعدت ساعة وروحنا تاانى البيت وانا مبسوطة خااالص


انا اتعلمت حاجاااااات كتيييير من بابا

1- انى احب الاسلام واضحى علشانه
2- انى احب القرأن
3- انى احب المذاكرة علشان اكون زييه كدا دكتورة فى الجامعة
4 - انى اعمل اى حاجة علشان ربنا يحبنى
5- ان ربنا لما يعمل فينا حاجة اقول الحمد لله
6 - ان ربنا بيختبر المسلم علشان يشوفوا انسان كويس ولا لا واقول الحمد لله ولا لا
7 - انى احب اخواتى وماما وكل الناااس
8 - ان كل دقيقة بابا بيقعدنا فى السجن بناخد منها حسنات
9- اساعد الناس مهما كانت الظروف
10- انى ادعى ربنا كتيييير واصلى ومش اسيب فرض
وحااجاات كتير خالص بس دول اللى فى بالى دلوقتى

*****************************************

نروح بقى ليوم العييد

انا حضرت هدومى انا واريج ونمنا ولما صحينا صلينا الفجر ولبسنا ونزلنا الساحة علشان العيد
وبعدين فضلنا نلعب هناك فى المراجيح وركبنا العربية ورحنا لتيتا وفطرنا هناك وبعدين روحت على بيت العيلة
وشوفتهم وهما بيدبحوا الجاموسة وبعدين دخلت جوا فى الجنينة وركبت المراجيح انا وبنات خالتى وخالى وولاد خاللى
وبعدين رحت عند خالت بابا وقعدت هناك كتير واتفرجت على التليفزيون وجبت حلويات ونمت

والنهاردة عمتو زارتنا وبعد شوية هروح المراجيح بتاعة العيد
ومش عارفة بقى هعمل ايه تاانى

كل سنة وانتم طييبين

21 التعليقات:

adel يقول...

كل سنة و انتي طيبة ياقمرايا
ومبسوط انك فرحانة و شفتي باباكي
ويارب دايما بخير كده
وعاجبني قوي ترتيب كلامك :)
وياستي دكتورة مهندسة ... المهم انك تبقي ناجحة و ده شئ مهم

بالنوسبة للمراجيح
يابختك :( نفسي العب عربيات انا :(

اسماء واحلام فى وجدانى يقول...

كل سنة وانتى طيبة وبخير يا باربى
كل سنة وبابا بخير ويارب دايما ينور حياتكم ودنياتكم يارب دايما
كل سنة وماما واريج بخير وطيبين
وان شاء الله ربنا مش بيسيب حق مظلوم ابدا وبابا يرجع زى الاول واحسن
يااااااااااااااااااااااااااااااااااااااااااااااااااااااااااااااااارب

طالبه الفردوس يقول...

السلام عليكم

ازيك يا حبيبتى اخبارك ايه يا قمر

كل عام وانتى بالف خييير

وربنا يطمنكوا على باب ويخرجلكم قبل العيد مايخلص ان شاء الله

ربنا يفك اسره ياااااااارب وجميع المعتقلين

والحمد لله انك اتعلمتى الحاجات دى كلها
ويارب الناس الظلمه دى تفهم ان اللى بيعملوه بيزيدنا تمسك بالدين واصرار على التضحيه

بجد بجد انا بحبك فى الله يا اختى الصغيره

ربنا يوفقك فى الدراسه وتطلعى استاذه جامعه قد الدنيا
ويوفقك فى الاخره وتسكنى الفردوي الاعلى
بس ابقى خدينى معاكى ماتنسيش

مع السلامه

زهور الامل يقول...

كل عام وانتي بخير يا ايثار وربنا يحميكي ويحفظك يا قمر

وعيد سعيد عليكي وعلى كل عيلتك

تحياتي

غير معرف يقول...

كل سنه وانتى طيبه ياحبيبتى وان شاء الله العيد اللى جاى بابا يكون معاكى ويخرجلك بالف سلامه

ليس فقيرا من يحب يقول...

كل سنه وانتى طيبه يا سكرايه

ربنا يخرجلك بابا بالسلامه

ويشوفك انتى واخواتك ناجحين وقد الدنيا

امووووووووووووووووووووواه

VÖltaa يقول...

بقولك انا تقريبا حطيت تعليق لحد تانى عندك بالغلط لو كده فعلا ياريت تمسحيه

VÖltaa يقول...

ازيك ياعسل يا ايثار
اخبار العيدية ايه
انا عايز عيديتى مليش دعوة

كل سنة ونتى طيبة ويارب بابا يكون معاكى قريب اووى

amirelhob يقول...

بوست جميل ومن قلبى بدعيلك يا رب يخرج باباكى بالسلامه ويرجع تانى ومن قلبى بتمنلك كل خير وسعاده وصحه وتوفيق وفحر وابتسامه تدوم يا رب طو ل العمر

ابن الإخوان والأزهر يقول...

كل سنة وانتي طيبة يا ايثار

بس ايه الهمة العالية دي ،،، من دلوقت بتفكري تبقي أستاذة في الجامعة

امال لما تبقي في الجامعة حتعوزي تشتغلي ايه ؟ رئيسة جمهورية

د/ أحمد لاشين يقول...

كل سنة وانت طيبة
والسنة الجاية نكوني في الكلية كمان :):):)
يعني تدخلي الجامعة من غير اعدادية ولا ثانوية :):):):)
وانا فرحان جدا لأنك زرتي بابا انت والاسرة وفرحتوا كلكم
كل سنة وانت طيبة

عاشق الجنة من الإخوان صلى على النبى يقول...

حبيبتي الغالية باربي
يارب يفرج كرب باب ويفك اسر كل المأسورين
وكل عام وأنتي وبابا وماما واخواتك بخير
ويارب السنة تيجي بكل خير
كل عام وانتي اللي اقرب وعلي طاعته أدوم
كل عام وانتم بخير
صلي علي النبي
عمو طه

فليعد للدين مجده يقول...

ربنا يرجع بابا جمال بالسلامة ويحفظه

شاب فقرى يقول...

لا اله الا الله :)

ربنا يحفظك ويعزك يارب

ويارب عيد سعيد عليكى وعلى باباكى وان شاء الله يرجع لكم بالسلامة

وان شاء الله خير :)

تحياتى واحترامى

شاب فقرى

Somaya Kamal El Din يقول...

ربنا يحميكى ويحفظك يا رب

وعي سعيد عليكى يا رب ويكرمك وتبقى دكتورة فى الجامعة وتحققى اللى نفسك فيه

وربنا كبيييييير و بيقف معانا دايما

بيطرية ومش بايدى يقول...

ايثار حبيبى عاملة ايه يا جميل
يارب يارب يارب يفرحك ويجعل ايامك كلها سعادة وفرحة وهنا وجمال
ويرجع لك بابا بالف مليون سلامة ويجى قريب كمان
عارفة اول مرة عرفت انه خرج والله فرحت اوى حسيت ان بابايا هو اللى خرج
فرحت اوى يارب يجى بالسلامة يا سكر

الفراغ يقول...

كل سنه وانتى طيبه يا توتى انتى واريج
وربنا يخلى بابا ويرجعه بسرعه ليكم
بس انتى ما شاء الله عليكى بنت زى العسل وعلشان كدا انا جيت اهنيكى بالعيد انت واختك ومامتك وخالاتك وعمتك
وكل اللى بتحبيهم
ويارب انتى اللى تيجى تزورينى المره الجايه وتبشرينى برجوع بابا البيت باذن الله
باى باى باربى

رحلتنا في الحياة يقول...

كل سنة وانتى طيبة ياقمر
انا مكنتش مصدقة انك عندك عشر سنين ربنا يحفظك يارب ويخليكى اللهم امين يارب العالمين
باذن الله بابا يخرج بالسلامة ورجع تانى فى وسطكم
ربنا يبارك فيكى انتى واخواتك يارب
مدونتك بجد حلوة جدا :)

إيثار يقول...

عجبني اوي البوست
طريقتك فعلا حلوة

على فكرة لو كان اسمك ايثار انا كمان اسمي ايثار و عندي 11 سنة

اتمنى تزوري مدونتي

د/ أحمد لاشين يقول...

اخبار الدراسة ايه ؟؟؟
وبتذاكري والا بتذاكري ؟؟؟
ربنا يعينك ويوفقك

آلاء محى يقول...

كل عام وانتى بخير حبيبتى

ربنا يبارك فيكى ويجعلك ذخرا للاسلام والمسلمين

ربنا يسعدكم ويخرج الوالد بالسلامة