? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

hi5

الخميس، 19 نوفمبر 2009

للـــــــذكـرى


دا بابا حبيبى هو حياتى هو عنيا انا من غير بابا بحس ان حاجة نقصانى
ياااااه لو تعرفوا انا كنت فرحانة ومبسوطة قد ايه ان بابا اخد افراج
رحت انا واريج وجبنا زينة وعلقناها فى الشقة
وجبنا لوح وكتبت عليها وحشتنى يابابا وبحبك اوى ربنا يخليك لينا
وفضلنا مستنيين بابا وبابا مجاش

اتصلنا على عمو المحامى قال فيه محكمة بكرة تانى وبعديها اتصل علينا وقاااال افراج والحمد لله
فرحت اوى وقعدت اتنطط انا واريج وفضلنا مستنيين بابا وبابا لسة مجاش

رجعت النهاردة من المدرسة لقيت ماما بتعيط واخواتى
بسالهم قالولى بابا اخدووووووه تانى

مع ان القاضى قالهم انكم افراج لانكم مفيش دليل على كلام الظباط
ورغم كدا اخدوا واخدوا روحى معااه انا مسكت نفسى ومرضتش اعيط وجيت اكتب لكن عيطت لانه هيوحشنى اوى
ولانه مش هيحضر معانا العيد

عارفييين هما كانوا 25 طلعوا 20 واعتقلوا 5 ومنهم بابا وكمان ودوه برج العرب اللى فى اسكندرية دى
مش حرااااااام عليهم اللى بيعملوه دا
يحرمونى من بابا طب يحضر معانا العيد بس
بعد مافرحنا نكودا علينا حسبى الله ونعم الوكيل



ودى انا واريج اخر مرة بابا كان فيها معانا
اخدنا دريم بارك وفسحنا ولعبنا
مش عارفة هيرجع تانى ويلعبنا ويفسحنا ولا لا
ربنا يرجعك بالسلامة
طب كانوا يقولوللنا هيفضل بعيد عننا لغاية امتى
لكن هما قالوا اعتقااال طب لغاية امتى ؟؟
ياترى هيضلع وانا لسة صغيرة
ولا هيطلع لما اكبر
ربنا يرجعه بالسلاااامة

انا قولت انى هعمل حفلة وهتكون فيها حلويات
بس خلاص بقى معلش

وانا هصبر وهقول يارب زى ماعادل قالى
اتعودي اي حاجة تجي وحشة لاقدر الله اعرفي ان ده عشان ربنا منع الاوحش منها

وهقول زى مافقرى قالى قولى يارب تبقى احسن يا بلدى

ومش هزعل زى مازهور الامل قالتلى

انتي المفروض انك تفتخري بابوكي لانهم اخدوه في شيء يشرف وهو انه بيدعي لطريق الهداية والدين والاسلام

وهقول زى ماقال يوسف انا لله وانا اليه راجعون

بسم الله الرحمن الرحيم

"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ ﴿155﴾ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ﴿156﴾"

وهعمل زى مادكتور احمد قالى
عمرى ماهضعف ولا اعيط ولا اى حاجة
وهذاكر وانجح وهكمل حفظ القرأن وهخلى بالى من اريج ومن ماما واخواتى وهسمع كلامهم ومش هزعلهم ابدا

ودعواتكم بقى علشان فيه نونو جاى قريب
بس كان نفسى يجى وبابا موجود

يااترى هترجع امتى يابابا ؟؟؟
هسمع صوتك تانى ؟؟؟
هحضنك تانى ؟؟

انتوا عارفين ايه اللى صبرنى
ان الظابط الطيب اللى كان مع بابا فى العربية خلاه يتصل علينا ويكلمنا ويطمن علينا
وعلشان كدا انا مبسوطة شوية

هو قالى البسى هدوم العيد وانزلى وروحى صلاة العيد والعبى وروحى المراجيح زى كل سنة
انا قولت مش هروح بس هو خلانى اوعده

انا عندى امل انه يطلع قريب


معلش والله انا كنت عاملة المدونة دى علشان اكتب فيها القصص
بتاعتى
بس هما جم اخدوا بابا
بس بقى قولت اكتب فيها كمان اللى مزعلنى
وبكتب فيها كل حاجة






19 التعليقات:

adel يقول...

1-ايون اسمي عادل مش ابيه نهائي ولا عمو و انكل

2-كويس انك فاكرة دايما الوحش فيه الاوحش منه ...ده كلام ربنا
ربنا مش بيجيب حاجة وحشة لحد
ربنا بيمنع الحاجات الوحشة بحاجات ضررها ااقل عشان مصلحتنا

3-اعملي زي ماباباكي قالك بالظبط
انزلي و صلي و البسي هدوم العيد ....
متفرحيش 100% لانك مش هتعرفي بس اسمعي كلامه و هو يفرح لما يسمع انكم عملتوا كده

واحنا هنا كلنا معاكي ياقمر
حتي مع اختلاف ثاقفتنا و سننا وحتي دينا

يعني انا حقيقة مختلف مع فكر والدك و السوبة من الكلام اللي قريته هنا ...بس ميمنعش تعاطفي نهائي
لان ربنا قال كده
الاختلاف ميمنعش اننا بني اديمن

---------
حقيقي انا مش عارف انتي فاهمني ولا لا
بس يارب معني كلامي يوصل

غير معرف يقول...

ربنا معاك ويصبرك ياحبيبتى
واكيد بابا راجع قريب
وهنفضل ندعى كلنا انه يرجعه بالسلامة ويقضى معاكم العيد
ويكون احلى عيد
والف مبرووووووووك لنونو الجديد واكيد بابا هيشوفه وهو مولود
على فكرة انتى قمراية اوى انتى واريج
ياخراشى ايه العثل
تعرفى انا كان نفسى اشوفك من زمان
بعد ما سمعت صوتك كان نفسى اشوفك اوى
بس قريب اوى هنتقابل انا وتوتو ولازم تيجى معاها
اوعى ياايثار تضعفى او تزهقى ده ربنا كبييييييييييير اوى
وجمييييييييييل اوى وعمره مابينسى حد
وخصوصا حد خصص حياته كلها وماله ونفسه علشان خاطر يرضى ربنا
واتاكدى ان ربنا هيجى يوم القيامة ان شاء الله وياخدلك حقك وياخد لبابا حقه من الناس الظلمة دول
حسبنا الله ونعم الوكيل

ياترى عرفتينى ولا لسه

قلبى معاكى والله
وربنا يقويك ويعينك ووصلى سلامى لماما

غير معرف يقول...

ايه ده انا التانى
ياهوووووووو

يامساء الاحتلالات

والله زمااااااااااااااان

أم بتول يقول...

إيثار بجد أنتى جميلة قوى ، وما تخافيش ولا تضعفى ، ربنا ها يرجعه لكم إن شاء الله بالسلامة ، و ها ياخدك فى حضنك وهو الى ها يكون موجود لما النونو يوصل أن شاء الله ويأذن له فى أذنة و ياخدة فى حضنة ، ألبسى لبس العيد و عيدى و أركبى المراجيح و صلى صلاة العيد و انت بتصلى أدعى ربنا يرده لحضنكم تانى ، و إن شاء الله قبل العيد ها يكون معاكم و يصلى معاكم .
كل سنة و أنت طيبة غيثار أنت وبابا وماما و أيثار وربنا يطمنا عنكم .

غير معرف يقول...

من هنا من عند حبيتى
بالقى السلام على عدولة باشا
والله ليكم وحشة ياجدعان بس نعمل ايه بقى النصيب

غير معرف يقول...

والله ليك وحشة
والقعدة من غيرك وحشة
كان نفسى اجيلك
بس الحرامى سرق الجحشة

:))))))))))))))

غير معرف يقول...

هاطير انا بقى ياايثار وهاشوف
اذا كنتى عرفتيى ولا ايه

اموووووووووووووووووووووووووووووووووووووووووووووووووووءة

اموووووووووووووووووووووووووووووووووووووووووووووووءة

دول على الخدين هه


سلام عليكم ياحبيبتى


لا اله الا الله

شوكولاتة يقول...

ياقمراية ولا تزعلي نفسك بكرة بابا يرجع ياخدك في حضنه ويبوسك زي الأول ويقضي العيد معاكي وياخدك دريم بارك وينزل بنفسه يجيبلك هدوم العيد وياخدك تسلموا على كل قرايبكم وأصحابكم والنونو الجديد ييجي على إيده بإذن الله

وحشتيني ياقمراية إنتي

لا تـــشـــتــــاق يقول...

ياحبيبتى لعل الله اراد بكم خيرا
الله اعلم الخير فين
اصبري واتحملى واعملى كل شئ يرضي ربنا ويرضي بابا وكونى له احسن بنت خليه دايما فخور بيكى
وخدى بالك من النونو الى جا ودى اول بوسه منى له
وخدى بالك من ماما ومتتعبيهاش ووصي اريج على كده
وخدى بالك من مذاطرتك وان شاء الله خير ياحبيبتى

غير معرف يقول...

لا يا احمد باشا
انا سبقتك واديت بوسة للنونو
ماليس دحوة يا ايثار
البوسة الاولانية منى انا وبعدكده من لاتشتاق
اتفقنا
وادى كمان بوسة
اموووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووءة


اه نفسى اتقطع

يلا سلام بقى وردى على التعليقات بقى

معمل دلتا للتحاليل الطبية يقول...
أزال المؤلف هذا التعليق.
د/ أحمد لاشين يقول...

ايثار
والله كنت بأرتب ازوركم فعلا
بس مكنتش متأكد انه هيطلع
وتوقعت يمدوا اعتقاله للأسف
بس ان شاء الله هيطلع قريب فعلا
والفترة الجاية اقل من المدة اللي فاتت
صدقيني مش هتطول المرة دي
يعني هانت ان شاء الله
وهيطلع بالكتير بعد العيد علي طول
خليكي شاطرة كده وجدعة
وقولي لماما واخواتك ان مع العسر يسرا
ان مع العسر يسرا

واطمني وشدي حيلك في المذاكرة كويس
ومتخافيش علي بابا
كل الناس يعرفوا قيمته كويس
والضباط عارفين انه في دعوة الحق
وصدقيني بيحترموه اكتر من احترامهم لرؤسائهم
اسألي مجرب :):):)

د/ أحمد لاشين يقول...

ايثار
ممكن تروحي لأبلة همسات بعد اذنك
وقوليلها نعمل ايه ؟
هتساعدك ان شاء الله

غير معرف يقول...

ايثار

معلش يا حبيبتى انتى ذاكرى وعيدى وصلى واعملى اللى بابا قالك عليه علشان يكون مبسوط منك

واحنا كلنا بندعيله ربنا معاه يارب ويفك كربه

وهو ان شاء الله هيخرج وهيفسحك تانى وتسمعى صوته

كل سنه وانتى وماما والنونو واريج بخير يارب

وكل سنه وبابا طيب

ومتزعليش ربنا قال
وعسى ان تكرهوا شئ وهو خير لكم
وقل لن يصيبنا الا ماكتبه الله لنا

فى رعايه الله يا حبيبتى
ابقى سلمى على دمووووووع القمر اللى داخله بغير معرف ومستخبيه من الناس

لا اله الا الله حبيبتى

yasmina يقول...

هاااااااااااى
على احلى باربى فى الدنيا دى كلها
تحياتى ليكى يا قمر
واحشانى مووووووووووت والله

باربى حبيبتى عايزاكى تكونى اقوى من اى حاجة فى الدنيا
ودة اللى هيخليكى تقدرى تعيشى

تحياتى ليكى يا قمر وعلى فكرة المدونة دى مش قصص وبس دى لكل حاجة
الحاجات اللى مزعلاكى واللى مفرحاكى كل حاجة
احكى زى ما انتى عايزة

تحياتى ليكى يا احلى باربى

Tamer Nabil Moussa يقول...

ان شاء الله هيطلع ويكون معاكم تانى بس الصبر واهتمى بنفسك واسرتك

والف مبروك على النو النو الجديد

ربنا يخليكم لبعض

مع خالص تحياتى

مي يقول...

ربنا يخليك بابا واخواتك وماما
ومن النوووووونو خطيبى ده ههههههههههههوخلى بالكم من نفسك يا قمراية بحبك جداااااااااا

زهور الامل يقول...

يا حبيبتي يا ايثار
والله العظيم زعلتيني

انا اول لما فتحت البوست وشوفت صورة باباكي في الاول افتكرته رجع بالسلامة
بس برضو لازم يبقى املك كبير في ربنا

ان شاء الله هيطلع بالسلامة وهيطلع قريب جدا باذن الله

وخلي بالك اوي من مذاكرتك لانه هيفرحه اوي اجتهادك ونجاحك واهتمامك بالمذاكرة وحفظ القران وحبك لمامتك واخواتك

وفعلا لما ربنا بيبتلينا بشيء بيبقى مانع عننا شيء تاني اوحش منه
وزي ما انتي عارفة ربنا مش بيجيب حاجة وحشة ابدا

كل ده اختبار وابتلاء من ربنا
علشان يعرف قوة ايمانا قد ايه

فخليكي دايما حسنة الظن بالله سبحانه وتعالى وهو عمره ما هيخذلك ابدا
وربنا يرجعلك باباكي بالف سلامة

اقصوصه يقول...

الله يرجع لك والدك سالم وغانم يا رب