ايها العيد المبارككم ترقبت نهارك
كم انتظرتك ياعيد
فانت تحتوى الجميع
ياله من يوم سعيد
ايها العيد المبارك
فيك نزور الاقارب
يعطونا العديات
نذهب ونشترى الحلويات
ايها العيد المبارك
كم ترقبت نهارك
انت حياتى
انت ضيائى
ايها العيد كم انتظرت عودتك
وهاانت عدت لنا
فأهلا اهلا ياعيد
عاد العيد وعادت معه ايام الفرحة
فى العيد نلبس الجديد
نقابل الاصدقاء
ونزور الاقارب
عدت ياعيد وعادت معك البهجة
فاهلا اهلا ياعيد
انا بحب العيد اوى بكون مبسوطة يوم الوقفة خالص
وارص هدومى على السرير وافضل مستنية الفجر
علشان اروح الساحة اصلى بلبس الهدوم الجديدة وافطر واروح مع ماما وبابا الساحة نصلى
واسلم على كل صحابى وقرايبى وبعدين ارجع اروح اجدوا وتيتا نقعد شوية
وبعدين اروح اوضب اوضتى وارص اللعب فى البلاكونة علشان صحابى لما ييجوا يلعبوا معايا
وبعدين بنروح نزور خالوا وخالوا وعمتو وبعد مابنرجع
اختى ودموع ياخدونى انا واريج اختى ومريم وسهام ولاد خالى ومنة بنت خالتى ويودونا المراجيح
ننبسط ونلعب ونروح بيكون يوم جميل
انا مبسوطة ان العيد جه تانى لانه بجد عيد سعييييييييد
انا بحبك اوى ياعيد وبستناك من السنة للسنة
وبدعى ربنا ان ايامنا كلها تكون عيد
كل سنة وانتم طيبين
Falling hearts Here
44 التعليقات:
معلش بقى انا هاخد اول تعليق
كل سنة وانتم طيبين
بجد بشكر كل واحد دخل عندى وكتب تعليق
انا بحبكم خااالص
وبشكر ابلة ايناس خالص
وابله بيطرية
وبقولهم كل سنة وانتم طيبين من كل قلبى
تحياتى لكم
بخخخخخخخخخخخ
انا جيت اهووووووووووو
وسعولى الطريق بقا
منك له لها
ممممممممممم
اخدت اول تعليق وكمان التانى يلا ان شالله ما حد حوش بقا دى مدونة اختى الصغنونه ايثار اللى بحبها قوووووووووى
جميل قووى احساسك حبيبتى وانا كمان بحبك قووى وده واجب اننا نقف جنبك ياقمر ربنا يديم علينا السعاده يارب
ربنا يسعدك يارب وتفرحى كمان وكمان وتكونى مبسوطه كده على طول
بتفكرنى ايام ما كنت صغنونه كده كنت بعمل زيك كده بس للاسف معتش مراجيح خالص
ربنا يديم عليكى السعاده يارب
تمنايتى لكى بالتوفيق
انوسه
ايه ده :):)
كل سنة و انتي طيبة :)
بس ايه ده اصغر المدونات سنا ولا ايه :):)
عيد سعيد و يابختك بالمراجيح دي :):)
نفسي ارجع للعب ده تاني
عارفة وانا بنقرا سنك
كنت مش مصدقة
ومع وصفك للعيد اخدتينى 40 سنة
لورا لما كنت قدك
شوفتى بقى انا تيتا كبيرة
فرحانة بزيارتك للمدونة وياريت
دايما تنورينى
واوعى تزهقى من اللعب فى المدونة
قصدى الكتابة فى المدونة هههههههه
عيد سعيد عليكى
تحياتى
عيد سعيد يا جميلة و يارب دايما بخييير
كل سنة وانتى طيبة و احنا برضو احنا فى سنك كنا بنشوف العيد كدا حلو و جميل يارب بفضل العيد عندك حلو و جميل
ربنا يسعدك دايما ويكون كل أيامك عيد
ويا بختك بتلاقى ناس يدوكى عيديه
وتروحى معاهم المراجيح
أنا مش لاقى
تصورى
ماشاء الله عليكي ياحبيبتي
جميل اووووي
كل سنة وانتي طيبة
عيد سعيد عليكي وعلى اسرتك الكريمة
ربي يجعل ايامك كلها اعياد
مش بقول سكر
والله انا بحبك اوى زى ما انت بتحبى العيد كده
ربنا يبارك فيك ويحفظك ياجميل
كل سنة وانتى طيبة ياعثل
ويارب العيد اللى جاى يفرحك اكتر من العيد ده
بوسة كبييييييييييييييييييييييرة
ليكى ياقمر عموووووووووووووووءة
دايما كده السابعة على طول
يلا مفيش مشاكل
بث انا ماليس دحوة انا لازمن اكون اول تحليق المرة اللى داية
ماثى اتفقنا
هاديكى سكولاتة وبوبونى
ايييييييدا
اغيب حبة الاقينى ال12
مليش دعوة الاول لوسمحتم
كل سنة وانت طيبة يااحلى ايثاااااار
حبيبة قلبى كل سنة وانتى طيبة يارب
ربنا يجعل ايامك كلها سعادة وخير يارب
بجد انا مبسوطة اوى انى زرت مدونتك الكتكوتة دى
ربنا يسعدك يارب ياتويتى
اوووووووووووه نسيت اسئللك
جمعتى كام من العيدية؟؟؟
كام ها؟؟
على فكرة انا من الشرقية برضة
ابسط ياعم طلعنا شرقوة زى بعض
مع تحياتى ويلا
كل سنة وانت طيبة يا جميل
ويا رب يجعل ايامك كلها عيد ادر يا كريم
تويتىىىىىىىىىى
كل سنه وانتى طيبه ياقمر
معلش اتاخرت عليكى بس سامحينى
غصب عنى
كل سنه وانتى عروسه جميله يارب
حنين
كل سنة وانتي طيبة
وكالعادة اسلوبك سابق سنك بكتير
ده غير انك رجعتيني لورا 15 سنة
وفكرتيني ببراءة وحيوية الطفولة
استمري
كل سنه وانتي طيبه وربنا يكرمك بالسعاده كده على طول ويخلي ايامك كلها عيد
كل سنه وانتى طيبه ياحبيبتى
ويارب تكون ايامك كلها اعياد
اعبدي ربنا كويس اوى ومترضيش عن نفسك ابدا خلى عندك حسن ادراك للامور عاملى والديكى كويس جدا
انتى انسانه بجد صغيره لكن عندك من الفهم كتير ومن جمال الذات اكتر
خدى بالك من الجميل الى جواكى
كل سنه وانتى طيبه ياحبيبتى
السلام عليكم ورحمه الله وبركاته
عيد سعيد عليكى
وربنا يفرحك كماوكمان
كل سنة وانتى طيبة
كل سنة وانتى طيبة ياجميلة
العيد طبعا جميل وسعيد وحلو
بس اخدتى كام عيدية بقى ^_^
ههههههه
وانا باشكرهم جدا
الدكتورة بيطرية ومش بيدي
ودموعنا القمرية الصحفية
لأنهم ساعدوا باربي للظهور علي النت
ربنا يكرمك وكل سنة وانت طيبة
ونسيت اشكر اختنا الفاضلة ايناس
ربنا يكرمها يارب
دقهلاوية بس بتساعد الشرقاوية
انا سايب ليكى عيديه ع المدونه
كل سنه وانتى طيبه
وان شاء الله محد حوش
كل عام و انتي بخير تويتي ،،
و ان شاء الله ايامج كلها اعياد ،،
:)
كل عام وانت بخير
ويارب دائما تكوني مبسوطه وسعيده وايامك كلها عيد ..
كل سنه وأنتم طيبين
كل سنة وأنتي طيبة
صلي علي النبي
هاااااااااااى باربى او تويتى خلاص حيرتينى اختارى انتى اى اسم واناديكى بيه اوك
البوست جميييييييل اوى بصراحة وكلامك بجد شكله كدة طالع من قلبك
واحلى حاجة فعلا انه مش متزوأ هى دى اهم حاجة وخليكى كدة على طوووووووول
بس ملحوظة صغنونة ويارب ما تزعلى منى
لما تيجى تختارى الالوان اللى بتكتبى بيها اختاريها بحيث انها تبان على المدونة زى الاصفر كدة اللى انتى كتبه بيه
بس الاحمر ماكنشى باين اوى
فخدى بالك من الحتة دى
لكن بالنوسبة للبوست والموضوع بجد مافيش احلى من كدة
وحقيقى دة اجمل بوست للعيد
وعلى فكرة انا بعمل زيك بالظبط فى اول يوم والاخوات تانى يوم واصحابى بقى تالت يوم
ودة شئ فرحنى اوى كانك بتوصفى يومى بالظبط
كل سنة وانتى طيبة
وعيد سعيد
وانا كمان هدعى معاكى ان العيد مايتاخرشى
سلام
ويسلملى مرورك ياقمر
ايه دةالتعليق طلع كبيييييييير اوى
معلشى بقى استحملينى
فتحت معايا المرة دى معلشى حظك بقى
سلام
كل سنة و انتى طيبة يا تويتى
و عيد سعيد عليكى يارب
و بجد جميل اوى ان تكونى فى سنك و تكتبى كدا
أكيد المدونة هتكون شئ جميل جدا
و بانتظار جديدك دائما
دمتى بكل خير
قمرنا النونو
كل سنة وانتى طيبة يااااااااااااارب
انتى نونو بسنك بس
انما بقلمك الله اكبر عليكى ربنا يحرسك
ممش نونو لالالالالالالالالالالالالالالالالالالالالالالالا
وصفك للعيد رجعنى سنين كتير اوى ربنا يكرمك لانك فكرتينى بايام جميلة
بس مفهوم العيد بيختلف مع اختلاف العمر زماااااااااااااااااااااان
كان اهم شىء الهدوم الجديدة والعيدية
ومع الوقت حاجات كتير بتختلف
بس كلامك الحلو ده مش هيمنعك من العادة بتاعتنا ياترا الناس اللى موجودة دى اخدت العيدية بتاعتها ولا لسة صغننة مش صغننة ده مش هيمنع انك دخلت عالم لا يعترف بالسن بل يعترف بسن القلم وقلمك ماشاء الله ربنا يديمه عليكى يارب
مفيش هروب من العيدية والا بقى ياسمين هتبقى المسئولة عن العيدية
كل سنة وانتى طيبة
بس تويتى وباربى وحركاااات
انا اول مرة ادخل مدونتك
بس بجد مدونة تفرح بشكل كبييييير
كل سنة وانتى طيبة ياقمررراية شكلنا هنكون اصحاب جامدين يلا هاتى بوسه
اموووووووووواه
كل سنة وانتي طيبة ياتويتي ولا اقلك ياباربي .. عيد سعيد عليكم جميعا .. انت كلامك بسيط بس بيوصل للقلب وده اجمل ما في الشعر
السلام عليكم
اشكرك على عيديتك وسلامك على
كل سنه وانت طيبه ويتقبل الله منا ومنك صالح الاعمال
كل عام وانتم بخير
يا نهااااااااااار ابيض و لبن حليب
دنا نسيت اعديعلى بنتي و اقولها كل سنة و انتى طيبة
كل سنة و انتى طيبة انتى لييكي بقى 50 جنية جديدة هدية و عديةة و كل حاجة عشان نورتيني يا قم
شوفى بقى يا باربى انتى لازمن تفرقى علينا كحك كتير
مش زى بنت خالتك البخيلة اللى كل واحد واحدة وقال ايه عشان عملتلها جميلة ادتينى اتنين انا ماينفعنيش الكلام ده
انا ان ماكانش الطبق مليان ع اخره ماينفعش
مش يبقى عندك المعزيم دى كلها وتستنلى زى اختك هه
ههههههههههههههههههههه
بهزر معاكى يا حبيبتى
انا بمووووووووووووت فيك
مش من ريحة الحبايب
عيد سعيد عليكي ياقمر
كل سنه وانتي طيوبه
** تقبلي مروري**
يارب تكون ايامك كلها أعياد يا عسل ...
....
ماشاء الله عليكِ وبارك الله فيكِ وحفظكِ....
....
في إنتظار جديدك...
كل سنة وانتي طيبة يا قمر
عيدسعيد عليكي
ويارب تكون كل ايامك اعياد وافراح
ربنا يوفقك
تحياتي
شكلك بيبى خالص
كل سنة وانتى طيبة وبخير يارب
تحياتى
شاب فقرى :)
ازيك يا توتى
برافو عليك يا توتو بتعرفى تكتبى روايات اطفال كويس
كملى على كده وان شاء الله نلاقى قصاصه اطفال كبيره عندنا زى كامل الكيلانى
شطوره يا توتى
إرسال تعليق