? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

hi5

الاثنين، 15 نوفمبر 2010

عيد سعيد


ازيكم وعاملين ايه
معلش بقى انا قعدت فترة كبيرة مكتبش هنا ولا ازور حد لانى كنت مشغولة فى المدرسة والدروس وكمان مكنتش بقعد على الكمبيوتر كتير انا عايزة اجيب درجات نهائية واطلع من الاوائل زى السنة اللى فاتت

جاية النهاردة اقولكم كل سنة وانتم طيبين يارب كدا الايام كلها تكون سعيده عليكم
انا صمت من اول يوم ولغاية النهاردة صايمة عشان بابا قالى ان ربنا هيدخلنى الجنة لما اصوم
وكمان لان فضل العشرة الاوائل من ذى الحجة كبير وربنا بيغفر فيه كل ذنوبنا
اريج كانت بتصوم حبه وتفطر حبه مكنتش بتكلم للمغرب لانها صغيرة

اواب كبير وبقى بيتسند وبيمشى والمرة اللى جاية هبقى اجيبلكم صورته جميييل خالص

انا مبسوطة ان بكرة العيد جهزت هدومى وعلقتها ومستنية بكرة عشان نروح نصلى العيد
بحب اروح اصلى العيد عشان بشوف اصحابى وقرايبى هناك

مفيش كلام فى دماغى دلوقتى بس هبقى اجى اقولكم انا عملت ايه فى العيد زى كل سنة ماشى

عييد سعييييد

امضاء / ايثار جمال عبد الواحد :):)

الجمعة، 10 سبتمبر 2010

العيد فرحة


كل سنة وانتم طيبين وبأحسن حال

يارب تكونوا فرحانين زى ماانا فرحانه بالعيد النهاردة

انا بحب العيد عشان كلنا بنتلم وبشوف بعض بحب العيد عشان بروح المراجيح بتاعه العيد

رمضان كان عامل معاكم ايه يارب تكونوا استمتعتم بيه وعملتم خير كتير
انا بحب رمضان اوى عشان كله رحمه ومغفره واتمنى ان السنة كلها تكون رمضان

انا اخدت عديا وبقى معايا 35 جنيه واريج كمان وهنحوش كل العديات :)

اسيبكم بقى مع الاغنية دى انا بحبها اوى
عشان انا نازلة رايحه ازور قرايبى مع السلامة


يلا نعيد ..يلا نعيد ... والضحكة الحلوة نعليها
يلا نعيد .. يلا نعيد.. بالفرحة الدنيا انحليها

يلا ....يلا ... نعيد ....يلا ....يلا ..يلا

هل العيد وقلبي سعيد .... والكل التم من جديد
والايد تسلم عل الايد

يلا نعيد ..يلا نعيد ... والضحكة الحلوة نعليها
يلا نعيد .. يلا نعيد.. بالفرحة الدنيا انحليها

يلا ....يلا ... نعيد ....يلا ....يلا ..يلا

هاللمة الحلوة على قلبي ..يحفظها من الحاسد ربي
يا دمعة روحي وتخبي ... ضحكت اعيادنا وليالينا


يلا نعيد ..يلا نعيد ... والضحكة الحلوة نعليها
يلا نعيد .. يلا نعيد.. بالفرحة الدنيا انحليها

يلا ....يلا ... نعيد ....يلا ....يلا ..يلا

بالعيد تهني الصغار... قلبي معهم دق ودار
خيي محمد بشار... علي الغنية عليها

يلا نعيد ..يلا نعيد ... والضحكة الحلوة نعليها
يلا نعيد .. يلا نعيد.. بالفرحة الدنيا انحليها

يلا ....يلا ... نعيد ....يلا ....يلا ..يلا











الأربعاء، 25 أغسطس 2010

هنفضل اصدقاء


هنفضل اصدقاء
مهما طال الفراق
مهما بعدت فين رحت
هنفضل اصدقاء
مهما كسبت مهما خسرت
هنفضل اصدقاء
دا انا عشت معاكم احلى ايام
فاكرين ولا نسيتوا ايام زمان
عشناها ضحك ولعب وجد وحب
مش بس كدا دا حتى كمان
سهرنا ذاكرنا تعبنا جنينا احلى ثمار
هنفضل دايما اصدقاء
مهما طال الفراق
هيفضل نوركم جوا قلبى داانتم اصحابى الغاليين
مهما بعدت فين روحت
هيفضل جوانا شوق وحنين
كانت ايام جميله كانت ايام سعيدة
عمرها ماتتنسى
هنفضل اصدقاء
مهما طال الفراق
مهما بعدت فين روحت هنفضل اصدقاء

الثلاثاء، 3 أغسطس 2010

حبيبى قريب ييجى

ازيكم وحشتونى خالص معلش انا اتأخرت عليكم بس كنت مشغولة خالص
علفكرة انا نجحت وكنت ناقصه درجة واحدة بس
كل سنة وانتم طيبين شهر رمضان قريب انا بحبه اوى وبحب اصلى التراويح
انا حوشت انا واريج وجبنا فانوس وكمان احنا فى الشارع كل البنات عملنا زينة وعلقناها
انا نفسى ادخل الجنة انا وبابا وماما واخواتى كلمهم

الاغنية دى انا بحبها اوى واكيد كلنا بنحب نسمعها

رمضان جانا

رمضان جانا وفرحنا به

بعد غيابه وبقاله زمان

غنوا وقولوا شهر بطوله

غنوا وقولوا اهلا رمضان

بتغيب علينا وتهجرنا وقلوبنا معاك

وفى السنة مرة تزورنا وبنستناك

من امتى واحنا بنحسبلك ونوضبلك ونرتبلك

اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان

يوم رؤيتك لما تجينا زى العرسان

نفرح وننصب لك زينة اشكال والوان

فى الدخلة نبقى نطبلك ونهللك اه ونقولك

اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان

يا مسحراتي دوقلنا تحت الشباك

سمعنا وافضل غنيلنا للفجر معاك

واعملنا هوليلة تلاتين ليلة حلوة جميلة

اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان

رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا اهلا رمضان
رمضان جانا اهلا رمضان
قولوا معانا اهلا رمضان

السبت، 1 مايو 2010

اصدقائى





بين الربا طـاب اللقــاء هيـا بنــا يا أصدقـاء

نجري معاً ، نلهـــو معاً نشــدو معا لحن الإخاء

هذا "حسـام" و "اليمان" فوق الروابي يقــفـزان

يتسـابقان و يتعـــبان أو يجلسـان و يحكـيـان

هذي "سـمية" لم تــزل من خلفــها تجري "أمل"

كفراشـتين جميـــلتين ترفـرفـان على عجـل

والنحـل يسـعى والطيور في جـوها الهاني تطيــر

في ألفــةٍ ومحـبـــةٍ تعلو وتهوي في ســـرور

والشمس تبدو في السـماء للحـب رمـزاً و العطـاء

من غير أجرٍ يـرتـجى تـهدي إلى الأرض الضياء

إن الصداقـة كالربيــع في روضـه ضم الجميع

الله ســوى حســنها لنعيش في الحسـن البديـع

الاثنين، 22 مارس 2010

كم اهواكى




امى امى حبيبتى ياروحى ياامى

ضمينى ودوبينى وغرقينى فى الحنان

ضمينى ودوبينى واغسلينى من الاحزان

سات الكل ياطاهرة ياجنة للانسان

الدنيا متسواش حزنك ولاتسوى الزمان

انا جاية اقبل راسك واسالك الرضا والسماح


ماما دى حبيبتى وحياتى وانا بحبها خالص




انا بكت هنا وبقول لماما انا واريج اننا بنحبها خالص

ومهما حصل مبنزعلش منها ابدا
عارفين انا واريج محوشين فى الحصالة 52 ج
ولسة بنفكر نجيب ايه لماما
وكمان عاملين حفلة جميلة للام
هنغنى فيها
احلى حروف الكلام هى حروف كلمة ماما
وكمان امى ياحبا اهواه

كل سنة وانت طيبة ياماما ياست الكل

امى هى نبع حنان
امى هبة الرحمن
وروحها مثل الريحان
اتعطر بشداها
امى كم اهواها
واقبل يمناها
امى هى احلى الحور
يبدو فى الوجه النور
امى فرح وحضور
وضياء يغشاها



بسم الله الرحمن الرحيم

وقضى ربك الا تعبد الا اياه وبالوالدين احسانا * اما يبلغن عندك الكبر احدهما او كلاهما فلا تقل لها اف ولا تنهرهما وقل لها قولا كريما
واخفض لهما جناح الزل من الرحة وقل ربى ارحمهما كما ربيانى صغيرا
صدق الله العظيم

الام بتتعب كتير عشانا حملتنا فى بطنها 9 اشهر تحملت الالام وسهرت على راحتى حزنت كثيرا على مرضى نصحتنى كثيرا خافت عليا من الاشرار كانت سعيدة وانا بكبر قدامها بتلعب معايا وبتذاكرلى وبتجبلى حاجات حلوة كتير
هى حياتى هى ضيائى هى هدى سيرى وخطواتى هى دوائى هى شفائى كم اهواها واحبها


انت الامان انت الحنان
من تحت قدميك لنا الجنان
عندما تضحكين تضحك الحياه
تزهر الامال فى ظريقنا نحس بالامان
امى امى امى
نبض قلبى نبع الحنان
من عطائك تخجلين
ابدا لن تتململين
ياشمعة دربى
يابلسم الزمان
امى امى امى
نبض قلبى نبع الحنان





فين الحنان اللي يتساوي بحنانك فين


يا غالية عندي يا أمي وأغلي من سواد العين


قلبي اللي حبك أنا اتمناه يكون قلبين


علشان يساع كل احساسي وتقديري لعطفك اللي ملي قلبي وأنا بنت يومين


حبك في دمي وشايلة علي الدوام همي


وتطلبيلي السعادة دايماً وكل حظي بفضل رضاكي يا أمي


أحلي حروف الكلام لما بقول ياما


هي النعيم والرضا والحضن والجنة



...امك حملتك فى صغرك فهل ستحملها فى كبرها
آنت اليوم ومهما كان عمرك كيف شكرت والدتك! ! !
وفي يوم من الأيام سترحل عن هذه الدنيا وحبها لك لم يفارق قلبها
إذا كانت والدتك لا تزال بقربك لا تتركها ولا تنسى حبها وأعمل على إرضائها
لأنه لا يوجد لديك إلآ أم واحدة في هذه الحياة
وعندما تموت سوف تنادى عليك الملائكة أن قد ماتت من كنت ترحم بسببها .
عندها ستندم..على كل كلمة او فعل اغضبها...ولكن هل سينفع الندم حينها...! !
ستكون وحيدا بلا ام


السبت، 6 مارس 2010

هستنى سؤالكم وهجاوب


ازيكم
شوفتو بابا مع اواب جميل
دا اواب كبر شوية انا بحبه خالص
طبعا كلكم عارفين ان بابا كان فى المعتقل وخرج بالسلامة
وانا مبسوطة وبشكر كل حد جه وزارنى وباركلى على رجوع بابا حبيبى
كان فيه ناس عايزين يعملوا حوار مع بابا فأانا هخلى المدونة المرة دى لو
حد عايز يسأل اى سؤال وبابا هيجواب عليه واكيد كمان هخليه ييجى ويحكى عن حياته فى المعتقل
بس هو مشغول الايام دى ادعولوا كلكم

اسيبكم بقى وكل واحد يقول اللى عايز يسأله فيه

مع السلامة





الاثنين، 22 فبراير 2010

دعوة عااامة

مش انا قولتلكم ان الوردة دى عشان فيه مفاجئة بس انا اتأخرت انى اقول
دى علشان بابا رجع البيت واخد افراج
انا مبسوطة خالص


دا بابا حبيبى بقولوا انا مبسوطة انك رجعتلنا تانى وهتلعب معايا وتحكيلى قصص تانى وتذاكرلى وتفسحنى

والتورتة الجميلة دى علشان بابا
ودا طبعا الحفلة بتاعتى انا واريج اللى وعدتكم بيها بس استنيت لما بابا يطلع
تعالوا نحتفل بيها

دا طربوش واحد ليا وواحد لاريج
وانا بقول لاريج كل سنة وانت طيبة






دى بقى التورتة كل واحد ياخد حته وكوباية عصير وبالونه





















الاثنين، 15 فبراير 2010

بجد مش مصدقة


ازيكم بجد بجد وحشتوووووونى جدا جدا يعنى مهما قولت مش هقدر اوصف
طبعا ونظرا لانشغال حبيبة قلبى ايثار فطبعا انا هنقل احساسها
بس انا هتكلم شوية اصلى وحشنى الكلام فى المدونة ههههه
بجد كلنا مكناش مصدقين ان عمو هيطلع من كتر ماكان ياخد افراج
ويرجعوا يقولوا لا خلاص لغوا الفكرة
لغاية ما قالوا دا فى الزقازيق
الحمد لله
انا فعلا بغبطهم وكنت اقولوا كدا
لان فعلا بحس ان ايمانهم بيزيد ربنا يكرمه ويجعل كل دا فى ميزان حسناته
وربنا يفك كرب كل مسلم

ياااااااااااااااااااااااااااااه اخيرا هيرجع البيت اخيرا هيملا البيت فرح وسعادة زى الاول
((((انا بجد مش مصدقة انى اخدت بابا فى حضنى خلااااااااص وطلع من الاعتقال
وخلاص هيبات معايا كل يوم خلاص هيحكيلى قصص وهيلعب معايا وهذاكرى بس ممكن يرجعوا ياخدوه تانى ؟؟؟؟)))
دا طبعا كلام ايثار

ايثار وقتها كانت فى الدرس ومكنتش تعرف تخيلوا معايا كدا ترجع تلاقى باباها فى البيت
وقفت مبلمة شوية مش مصدقة وصرخت بااااااااابااااااااااااا وجريت عليه واخدته بالحضن وبكت
اريج اول ماعرفت ان عمو هيطلع جريت وفضلت متنياه فى الشارع لغاية ما وصل وجريت عليه وحضنته

طبعا ايثار كانت وعداكم بالحفلة بس هسيبها هى بقى اللى تحضر لها

محدثتكم همسات من احدى شاشات الكمبيوتر :):):):)




الجمعة، 12 فبراير 2010

عيونى تشتاق له

ازيكم

انا هحط الوردة الجميلة دى وهقول على مفاجئة بس مش دلوقتى





بس انا جاية اقولكم على الرحلة الجميلة اللى انا رحتها النهاردة وكنت قولتلكم عليها
انا واريج جهزنا حاجتنا من امبارح بالليل وكنا مبسوطين
وقمنا الصبح بدرى لسنا هدومنا واخدنا الشنطة واستنيتنا بنات عمو ومشينا سوا لغاية ماوصلنا للاوتوبيس
وركبنا وقعدنا نغنى ونقول اناشيد طيور الجنة ونسقف لغاية ماوصلنا للمصرية بلازا ودى حديقة كبيرة
بعد كدا قعدنا نفطر وانقسمنا فريقين فريق راح للملاهى وفريق فضل قاعد يلعب وانا كنت من ضمنهم
لان العاب الملاهى مكنتش عجبانى وفضلنا قعدين انا واصحابى اللى معايا فى المسجد زهقانين
جت همسات وقالت استنوا شوية وانا هلعبكم وهفسحكم وهتبقى احلى رحلة بس امشوا ورايا
وجابت كورة وفضلنا نلعب بالكورة وكمان لعبة بدون كلام ولعبة اللى هى تغمى عنيك وحد يخبطك على ايدك وتفتح تقول مين اللى ضرب
ونغنى ولعبة جديدة كدا همسات جابت ورقة وعملنا فيها جدول من اربع صفوف وحطينا فيه حروف بالانجليزى كلها وكل حرف قدامة اى حرف بالعربى لغاية ماكتبنا الحروف كلهاوبعدبن كتبنا جملة بالنجليزى زى كدا مثلا FGH/GKTMGEDV
وقدام كل حرف من الحروف الانجليزى فى الجدول حرف بالعربى كنا نبص ونشوف الحرف دا قدامه حرف ايه ونكتبه
ونكون كلمة مثلا ذات النطاقين ونجاوب تبقى اسماء بنت ابى بكر او نلاقى الكلمة الفاروق هتبقى همر بن الخطاب وكدا
مش عارفة فهمتوها ولا لا بس كانت لعبة جمييييلة وقعدنا نضحك وبعد كدا
اخدتنا ورحنا فى اخر الجنينة لقينا ملاهى تانية جميييلة قطعنا التذاكر وفضنا نلعب والراجل قفل علينا وراح يصلى الجمعة
وفضلنا نروح من اللعبة دى للعبة دى كنا عشر بنات اتبسطنا خاااااالص
خلصنا وغسلنا وشنا ورحنا ركبنا الاوتوبيس ورحنا حديقة الحيوان دخلنا وكلنا قولنا لهمسات احنا معاكى انت
اخدتنا وفضلنا نجرى ونلعب جرى ونتفرج على الحيوانات وتشرحلنا كل الحيوانات وركبنا الجمل والحصان واكلنا النعامة والقرد والبجعة وسيد قشطة
وعملنا قطر وفطلنا نلف سوا فى الجنينة ونضحك وبعد كدا دخلنا المراجيح الللى كانت هناك بس مش قعدنا كتيير
طلعنا نتغدى وبعد كدا الابلة نانى عملت مسابقة وفضلنا نحل وناخد جوايز وبعد كدا وزعوا علينا بسكوت
وركبنا الاوتوبيس وروحنا واحنا مروحين كنا تعبانين خالص بس برضو قعدنا نغنى
وكانت احلى رحلة

الثلاثاء، 2 فبراير 2010

شوفتو العسل دا

ازيكم ايه رأيكم فى الصورة الجميلة دى دا بقى
أواب اخويا انا صورته وقولت احطها هنا
دى لما كان عنده يومين بس لكن هو دلوقتى عنده اسبوعين كدا

انا اخدت الاجازة ومش عارفة اعمل فيها ايه
بس كل يوم بقعد العب انا واريج
انا بحب الدراسة خااالص وبحب المدرسة
انا طلعت القماش اللى قولتلكم عليه وكملت فييه وكمان ماما بتساعدنى

انا رحت زرت بابا واخدنا معانا اواااب بابا كان مبسوط خااالص وقعد يبوس فييه وفضل شايله لغاية لما مشينا
هما بيقولوا ان بابا قرب يطلع انا نفسى كلكم تدعولوا وانتوا بتصلوا
علشان هو وحشنيى خالص ونفسى يفضل معانا على طووول

كمااان الجمعة اللى جاية دى اللى بعديها هنروح رحلة مع المسجد
هما بياخدونا وبنروح جنينة ونلعب ونعمل مسابقات
لما ابقى اروح بقى هبقى اجى اقول عملنا ايييه

كمان انا بحفظ فى انشودة الشاطر عمره مابيكذب و يااستاذ و وردتنا علشان الحفلة اللى قولت عليها وكمان لسة بنحفظ فى عرض علشان النجاح وبنعمل فيه حركات جمييلة خاااالص
وكمان عاملين اسكتش عن الامانة
ان لما حد يعين عندنا حاجة منقربيش منها تبدا

دى انشودة اشواق لعمر الصعيدى
حلوة خاالص بتيجى على فور شباب

يا ربي يا خير مجيب انت من الوجدان قريب
اجمعني برسول الله فهو لهذا القلب طبيب

الاشواق تناديني والحباب مضو دوني
ان فؤادي و عيوني تسال عل هناك مجيب
تسال عل هناك مجيب

يا ربي اصلح حالي واجعل لي خير مالي
و اجب يا رب دعاكي اني للرحمان منيب
اني للرحمان منيب

قلبي ينبض يا يا ربي قد فاض بكل الحب
انا كالولهان الصب اجلس ابكي كل مغيب
اجلس ابكي كل مغيب

ابحث عن طيفي الهادي اتعلل بالانشادي
قد ملا الوجد فؤادي ان رسول الله حبيب
ان رسول الله حبيب

يا ربي يا خير مجيب انت من الوجدان قريب
اجمعني برسول الله فهو لهذا القلب طبيب

الخميس، 14 يناير 2010

حبييته اوووى

انتو طبعا عارفين ان ربنا جابلنا نونو صغنون جميل خاالص
انا حبييته اوى اوى وبقعد انا واريج كل يوم نبوس فيه هو بيعيط وماما تقولى سبوه
بس انا بحب اقعد العب معاه ونفسى كمان يكبر علشان نلعب سوا انا وهو واريج

تعرفوا كماااااااان انا واريج بنعمل ايه
جبنا العرايس بتاعتنا
وجبنا قماش ماما مش عايزاه وقعدنا نقص بالمقص ونعمل بلوزة وجيبه وكمان بلوزة
وسبتهم فى الكيسة بس لما اخلص امتحانات اقعد اكمل

وعااارفينن عملت ايه كمان برفان والله
وبلعب بيه انا واريج وبحط منها
وبحط للعروسة بتاعتى منها
بس هى طبعا مش برفان اوى هى
لونها ابيض زى اللبن هههه كان نفسى تكون زى لونها زى البرفان
بس ريحتها جميييلة خالص
وقالولى عقبال كدا لما تكبرى و تعملى احسن برفان بإيدك
انا اصلا بحب اخترع كدا واعمل اى حاجة
بس مش هقول على المكونات طبعا

وكمااان مش انا رحت زرت بابا تاانى وكتبلى جوااب جمييل وبيقولى ذاكرى واسمعى كلام ماما
ومش تزعلىها ولا تزعلى اريج واحفظى القران ومش تسيبى المسجد


انا جيت النهاردة اقولكم على خبر حلو سعيد
انا اخدت كمان شهادة تقدير بس المرة دى مش علشان تفوق فى الدراسة لا
شهادة تقدير علشان انا عملت مجلة للمسجد عن بر الوالدين
فيها قصص انا كتبتها
وحديث وايه قرأنية

وكمان نشيد انا اللى كاتباه
هى همسات كانت عاملة مسابقة فى المسجد عن الصدق والامانة للاطفال
وانا والبنات قولنا هنعمل مجلة وعملناها وكتبنا قصص واحاديث وايات قرأنية وحكمة
واخدنا عليها جوايز
وكمان انا عملت اللوحة دى لوحدى

واخدت شهادة من جمعية المحافظة على القران الكريم عندنا
وكمان هاخد شهادة تقدير من المسجد
وكمان هنعمل حفلة فى اجازة نص السنة زى كل سنة همسات بتحفظنا اناشيد وتمثيل وعرض
ودايما نطلع الاولة
علشان كدا انا بحب الاجازة وبحب المسجد

وكمان حاجة
دى انشودة بحبها خااالص على طيور الجنة اسمها لاتنسى ابدا ذكر الله

اقروها هتلاقوها حلوة خالص انا اصلا بحب طيور الجنة وبراعم الاطفال وكراميش وكل الحاجات اللى بتغنى للاطفال

لاتنسى أبدا ذكر الله - فالعابد لاينسى مولاه
لاتنسى أبدا ذكر الله (الله الله الله) فالعابد لاينسى مولاه (الله الله الله )
لاتنسى أبدا ذكر الله (الله الله الله) فالعابد لاينسى مولاه (الله الله الله )

سبحــان الله سبحان الله أكثر من قولك يالله
سبحان الله سبحان الله أكثر من قولك يالله

الله الله سبحان الله _الله الله سبحان الله

ذكــر الله تعالى عباده نور وحلاوه وسعاده رؤية وجه الله زياده

أكثـــــر من قولك يالله
الله الله سبحان الله _الله الله سبحان الله

{ إن رحت الجمعه (يالله) أو كنت بجمعه (يالله ) وبيوم الجمعه (يالله)
أوول يالله }

طايره وفرحانه {يالله } حتى وزعلانه {يالله } من أي إنسانه {يالله }
أوول يالله

{ ان رحت السوق (يالله) أو كنت بالسوق (يالله ) او مسك سوء (يالله )
أوول يالله }

ركبه بسيااره {يالله } ركبه بالطياره{يالله } والنيه زياره {يالله }
أووول يالله

الله الله سبحان الله _الله الله سبحان الله

لاتنسى أبدا ذكر الله (الله الله الله) فالعابد لاينسى مولاه (الله الله الله )
لاتنسى أبدا ذكر الله (الله الله الله) فالعابد لاينسى مولاه (الله الله الله )

سبحان الله سبحان الله أكثر من قولك يالله _ سبحان الله سبحان الله أكثر من قولك يالله

الله الله سبحان الله _ الله الله سبحان الله

سبحانك ربي سبحانك سبحانك ما أعظم شانك
عطر بالتوحيد لسانك _ عطر بالتوحيد لسانك

أكثر من قولك يالله

الله الله سبحان الله _ الله الله سبحان الله

{ إن رحت الجمعه (يالله) أو كنت بجمعه (يالله ) وبيوم الجمعه (يالله)
أوول يالله }
طايره وفرحانه {يالله } حتى وزعلانه {يالله } من أي إنسانه {يالله }

أوول يالله

{ ان رحت السوق (يالله) أو كنت بالسوق (يالله ) او مسك سوء (يالله )

أوول يالله

ركبه بسيااره {يالله } ركبه بالطياره{يالله } والنيه زياره {يالله }
أووول يالله

الله الله سبحان الله _ الله الله سبحان الله

يارب تكون عجبتكم مع السلامة

السبت، 2 يناير 2010

ماما جابت نونو

انا جيت اقولكم ان ماما ربنا اداها نونو وسمته أواب
انا لسه مشفتوش بس خالو كلمنا وطمنا عليها
انا سألت يعنى ايه اواب قالولى ( كثير التوبة والعودة لله )
وكمان كان نفسى بابا يكون معانا ويشوف النونو اول واحد ويشيله
انا بدعى ربنا انه يطلع على طول ومش يطول اكتر من كدا
وانتوا كمان ادعولوا ومش تنسوه ماشى
وانا زرته يوم الاربع وسألنى على المدونة وقالى سلميلى على كل المدونين
وكمان دعواتكم علشان انا بذاكر علشان انجح واجيب مجموع كبير زى ماوعدت بابا وماما



انا جيت اقولكم على القصة اللى قولتلكم عليها

اللى همسات نزلتهالى فى الجرنال وكمان حطت صورتى عليها



صلوا على النبى

كان يامكان فى قديم الزمان
كان هناك رجل يدعى العم عمر يحبه الناس لانه طيب وامين وكان كل يوم يستيقظ مبكرا ويصلى الفجر ويدعو الله ان يرزقه الرزق الوفير ثم يتوجه لارضه ويزرع ويحصد وتقوم زوجته كل يوم بساعدته فى العمل وتحلب البقر والجاموس وتأخذ اللبن وتبيعه فى سوق القرية وتصنع ايضا الزبادى وكان اهل القرية يتوجهون لشراء منهم كانت حياتهم ميسورة وكانوا سعداء ويحمدون الله على هذه الحياه وفى يوم من الايام تعبت الزوجة فذهب بها الى المستشفى فأخبره الطبيب انها ستلد طفل بعد 8 اشهر فرح الزوج كثيرا وسجد لله شكر لانه كان يتمنى ان يرزقه الله بطفل بعد انتظار سنوات ظلت الزوجة فى الفراش كما طلب منها الطبيب
واصبح الحمل كله على عاتق الزوج فهو الذى يزرع ويحصد ويحلب اللبن ويصنع الجبن والذبادى يذهب به للسوق وفى نفس الوقت يراعى زوجته وكأنه يرد لها جميل مساعتها له طوال السنوات الماضية ومرت الايام والشهور هو يدعو الله ان يرزقه المال الذى يحتاجه وفى يوم وهو يحرث الارض وجد عصى جميلة امسكها بيده واندهش ثم تركها واخذ يكمل الحرث ثم عاد لمنزله وهو يحملها فى يده ووضعها على المكتب فظهر له جنى خاف العم عمر عندما راى الجنى ولكن اطمئن عندما وجده يبتسم
ثم حدثه الجنى انه يطلب منه اى شىء فطلب مال لمساعده زوجته وشراء محل صغير يضع به بضاعته فنفذ له الطلب واعطاه مال كثير جدا جدا شكر العم عمر الله ولكنه وجد ان ذلك المال كثير ففكر ان يعطى كل محتاج فى القرية اندهش اهل القرية واخذوا يتحدثوا من اين حصل على هذا المال هل وجد الكنز واتفقوا ان يراقبوه ولكن واحد منهم قرر ان يدخل البيت ويفتش ليعرف السر واخذ يبحث ويبحث ولكن لم يجد
وهو يفتش فى المكتب وجد العصا جميلة وشكلها غريب ابتسم وقال اتكون هذه مثل مصباح علاء الدين وضحك سخرية
ثم مسحها كما فعل علاء الدين فظهر الجنى وقال ماذا تريد قال انا اريد مااال كثير اكثر مما اعطيت العم عمر ومن الان اعطينى انا ولا تعطيع
علم الجنى انه طماع ولكن قال حسنا كما تريد
واعطاه مال كثير جدا جدا فرح الرجل وحمل المال واخذ العصا واخذ يجرى الى ان وصل لمنزله وحدث زوجته ولكنها لم ترضى على ما فعل
اخذ الرجل المال وذهب هو واولاده لاكبر المحلات لشراء اللازم واشترى كل مايتمنوه واعطى الرجل الحساب وقبل ان يخرج من المحل وجد الشرطة وامسكته اخذ يصيح حدثه صاحب المحل ان هذه النقود مزورة
واخذته الشرطة
وعلم اهل القرية ماحدث وحزنوا جدا على تصرف هذا الرجل وذهبوا للعم عمر واعتذروا له وشكره انه لم يأخد المال لنفسه بل اعطى الفقراء ايضا كان العم عمر غاضب مما فعلوا ولكنه سامحهم وحدثهم ان
الطمع قل ما جمع وانه من الخطأ ان يتجسسوا عليه ويراقبوه اعتذر اهل القرية مرة اخرى
وبعد ايام جاء مولود جديد وكانت بنت سماها (( هنا )) لانها ستملى عليه البيت فرح وسعاددة وهنا


نتعلم من القصة

1 _ اننا نصلى الفجر كل يوم حاضر

2 _ اننا نتوكل على الله فى كل حاجة

3 _ دايما لو معانا فلوس نساعد المحتاج

4 _ ان الواحدة تساعد جوزها فى العمل

5 _ الطمع قل ماجمع

6 _ ان مينفعش اننا نتجسس على حد

7 _ اننا نشكر ربنا دايما ونصلى

8 _ اننا نسامح ونخلى قلبنا ابيض علشان ربنا يحبنا

وتوتة توتة فرغت الحدودة

حلوة ولا بنتوتة