? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

السبت، 31 أكتوبر، 2009

ليييييييييييييه كداااااااااا


ياااااااااارب ياااااااااارب علشان خاطرى طلع بابا بالسلامة

المفروض انه كان يطلع النهاردة والحكم كان النهاردة
ادولوا 15 يوم كمااااااان
وكدا بقالوا شهر ونص
يعنى هيفضلوا كدا لحد امتى
حراااام علللييييييييكو
ربنا على الظالم والمفترى
حسبى الله ونعم الوكييل


وحشنى حضنك يابابا

وحشنى كلامك معايا
وحشتنى ضحكتك
وحشتنى بسمتك
انت بتملى البيت فرح
بجد وحشتنى
انت هترجع امتى
غيبتك طولت اوى
قالولى هتروحى تشوفيه
مكنتش مصدقة اللى سمعته
وجريت لبست اوام انا واريج
ورحنا وقعدنا مستنيين
ندعى ربنا نشوفوا
هما قالوا تعالو الساعة 11
رحنا 11 بالظبط وفظلنا منتظرين
دخلونا الساعة 3 الاربع والساعة 3 قالوا الزيارة انتهت
انتهت ازاى وانا لسة مسلمتش عليه
دا لسه بقولوا وحشتنى دمعت عيونى ومشيت
بس حمدت ربنا انى شفته
يارب علشان خاطرى استجيب ليا
خليه يطلع بالسلامة
وانتو كمان ادعولوا انه يطلع يوم السبت بالسلامة
يمكن ربنا يستجيب دعوة حد فيكم
انا فعلا بحبكم وعلشان كدا بحكيلكم ايه اللى مزعلنى
وانتوا اكيد حاسين بيا
ياقمرى تعالى ونور حياتى
انت بجد وحشتنى
بجد وحشتنى

انا خايفة انهم مش يطلعوه
زى الناس التانية بس والله حرام عليهم اللى بيعملوه
والله الظالمين فى النار والصالحين ليهم الجنة

يااااااااااااااااااااارب يااااااااااااااااااااارب
بابا واحشنى اوى

30 التعليقات:

7annen يقول...

والله قلبى وجعنى يا ايثار معلش ياحبيبتى هو ان شاء الله هيرجعلك بالسلامه
منهم لله اللى كانوا السبب
متزعليش ربنا موجود واكبر منهم
انا بحبك اوى علشان انتى بتحبى باباكى
ادعيله علطول ياقمر وهو ان شاء الله هيخرج بالسلامه

غروب يقول...

يا حبيبتى

ربنا يردهولك بالسلامه

ان شاء الله
يااااااااااارب امين

وجعتيلي قلبي

ان شاء الله ربك معاه وهو اعلم بعباده

yasmina يقول...

هااااااااااى باربى ازيك
واحشااااااانى ياعسل

بس ليه يا عسل كل دة
انا عارفة انه صعب وصعب اوى اوى كمان
بس لازم نكون اقوى من اى موقف نقابله
وان شاء الله ان شاء الله
قريب هتسمعى اخبار كويسة
وابقى قولى ياسمين قالت
ههههههههه

ربنا يطمننا عليه قريب باذن الله
وفى البوس اللى جاى لازم نبقى اقوى

تحياتى ليكى
يا احلى باربى فى الدنيا

د/ أحمد لاشين يقول...

ايثار
انا زعلان منك جدا
دمعتك قدام بابا دي صعبة جدا
قوليله ربنا يعينك
قوليله بندعيلك
لكن مش تبكي
الموقف صعب
وبعد بابا عنك صعب
بس مش تبكي قدامه
واطمني
هو ان شاء الله كويس ومش زعلان ومرتاح كمان
اطمن يا ايثار
بس احكيلنا عنه
واكتبي من القصص اللي حكاها لك
وعلمك ايه
ربنا يفك اسره ويرجعه بالف سلامة

زهور الامل يقول...

ازيك يا ايثار
وحشتيني اوي يا قمر

كلامك وجعني اوي والله
مش احنا اتفقنا انك تكوني اقوى من كدة
وان بابا ان شاء الله هيخرج قريب جدا بالسلامة وان دي محنة وهتعدي؟

ان شاء الله هيخرج يوم السبت وهتحضنيه وتبوسيه كمان
بس عايزاكي لما يخرج بالسلامة يلاقيكي كويسة وبتذاكري كويس ومتفوقة في دروسك
ده اكيد شيء هيفرحه جدا

قلبي معاكي يا حبيبتي
وان شاء الله يرجع بالسلامة

ليس فقيرا من يحب يقول...

يا حبيبه قلبى

ان شاء الله هيرجع بالسلامه

ومش هيغيب عنك ابدا تانى

ادعيله وربنا هيستجيب دعائك يا حبيبتى

ربنا حنين وكبير اوى

صمت المشاعر يقول...

ربنا يارب يرجعه ليكي بلسلامه

واشوفك ديما مبسوطه فرحانه

adel يقول...

بصي ان شاء الله خير و يرجعلك بالسلامة
بس دايما اتعودي اي حاجة تجي وحشة لاقدر الله اعرفي ان ده عشان ربنا منع الاوحش منها

ان شاء الله تطمنينا لما يرجع بالسلامة و تجيلي تنديني من مدونتي :)

وبلاش عمو عادل ...قول عادل بس يابنتي :)
انا اشاسا اعيــــل منك :)

سفيرة المحبه يقول...

الله يصبرك حبيبتي و يقويكي ويجمعمك بباباكِ عن قريب ان شااء الله
وابشري الله بينصر المظلووووم من فوق السماا
الله يجمع شملكم يارب

لا تـــشـــتــــاق يقول...

ربنا يستجيب لدعواكم ودعوانا ويارب يقوم بخير وسلام

الفراغ يقول...

شدنى كلمة وحشتنى يا بابا

واوجعتنى دموعك
واترجيت ربنا يرجعهولك بالسلامه

وتذكرى دائما
ان المؤمن مبتلى

افرحى لباباك
لان ميزان حسناته بيزيد قوى
وكونى عونا له
وتذكرى دائما انك الابنه الصالحه
كان الله فى عونكم جميعا

أم بتول يقول...

إيثار أن شاء الله ها يرجع لكم بألف سلامة و ياخدك فى حضنه ، خليكى شجاعة أكيد بابا علمك أنك تكونى شجاعة و قوية و ايمانك بربنا الكبير هو الى ها يرجع بابا أدعى له لأن أحنا مهما دعينا له مش ها تكون زى دعوتك أنت عند ربنا .
كلنا بندعى له يخرج و يرجع بيته بألف سلامة ، و ربنا يعينه و ينجية من كل سوء و مكروه .

سلمى يقول...

حبيبه قلبى الف مليون سلامه على بابا
ويارب يرجعهولك بلسلامه
وابقى طمنينا يا قمر

Tamer Nabil يقول...

ان شاء الله هيخرج ليكى تانى

ويكون معاكى على طول


ربنا معاة ويخرج ليكى ولااسرتك بالسلامة


مع خالص تحياتى

Pink Dreams يقول...

حبيبتى وجعتينى قوى بكلامك دا

ان شاء الله يرجعلك بالسلامه

بس انتى صلى وادعيله على طول حبيبتى

3mr wa2el يقول...

ان شاء الله ان شاء الله

باذن ربنا سبحانة و تعال ان ربنا ان شاء الله يفرج الهم و الكرب ة قريب اوي اوي لبابا و كل الى مع بابا لان اكيد مش هما الى ليهم دخل ف الموضوع دة و ان شاء الله قريب اوى اكيد عدى ال 15 يوم و هيطلع مش تخافي ان شاء الله هيطلع

بيطرية ومش بايدى يقول...

ايثار
وحشانى ياروح قلبى معلش ياحبيبتى انا مقصرة معاكى بس ربنا العالم ان انا دعيت لبابا انه يرجع بالسلامة وخليت ماماتى كمان تدعيله واكيد ربنا هيستجيب لدعائنا
وعايزة اقولك على حاجة بابا هيرجع ومسير الحق يبان واكيد قريب هتلاقى بابا ف حضنك وهيقعد يحضنك لحد مايفعصك
وانتى تقولى له كفاية يابابا انا تعبت من البوس والاحضان
ياااااااااااااارب يا ايثار يارب ربنا يجيبه بالسلامة

بس انا هاطلب منك طلب صغنتوت قد كده
عايزاكى تخلى بالك من مذاكرتك
قوليلى انتى عايزة تطلعى ايه اما تكبرى
لازم تفضلى فاكرة الحاجة دى انك لازم تطلعى حاجة حلوة ف المستقبل عشان اما تكبرى بابا يكون شايفك اجمل بنوتة واحلى من باربى مليون مرة

بس يا حبيبة قلبى انا مش هاطول عليك اصل انا رغاية اوى
انا هادعى لبابا ولماما وليكى ياقمر ولكل اخواتك ياااااااارب
يفك اسره ويرجعه بالف مليون سلامة
وسلميلى على اريج اوى
وبوسيلى نفسك اوووووووووى
وبوسيلى اريج كمان
اموووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووءة
اوعى اشوفك بتعيطى تانى
انا عمرى ماشفت باربى بتعيط

The illusionist يقول...

الف الف سلامه لوالدك
والله انا مكنتش اعرف خالص
بس يا رب تكونى استريحتى الاول لما حكيتى
ربنا يشفيه
واكيد هيطلع قريب
المستشفيات دى بتكبرها
ما قالولى انى مش هطلع الا بعد شهر
وهما اسبوع وطلعت
سيبك منهم
بس اوعى تعيطى قدام اريج
عشان هى كمان متعيطش
ربنا يشفيه ويعافيه يا رب

ذكري رحيل قلم يقول...

السلام عليكم
يا حبيبتي ربنا يرجعهولك بالف سلامة
ان شاء الله

متزعليش والمفروض تفرحي لانه بيضحي من اجل الاسلام

ربنا معاكم
دمتم بخير

بنت قلبى يقول...

السلام عليكى
يارب كده يا حبيبتى يرجع بالف سلامه
بس انتى بس ادعيله
وان شاء الله هيرجع لحضنكم من تانى

مي يقول...

متقلقيش ياحبيبتى ان شاء الله بابا هيطلع بالسلامة ويرجع عشانك انتى واريج بس متعيطيش عشان هو هيزعل كده
ومتزعليش ربنا اكيد سامعك وسامعنا واحنا بندعى اهو واكيد بابا هيخرج وقريب اوىىىىىىىىى
انا بحبك اوى يا ايثار
وعايزة اشوفك مبسوطة ماااااشى

الأحــــــ إيناس ــــــزان يقول...

يااااااااااااااااااه وجعتيلى قلبى
ان شاء الله يرجع وينور بالف سلامه وقريب قووى
خليكى قووووووووووية

أم مالك يقول...

ياحبيبتى
باذن الله سيعود وترجع تانى القعدة
الحلوة واللمة
بس انا عاوزاكى تثبتى قدام ماما
علشان لايزيد عليها الزعل
ببعد بابا وزعلكم عليه
واعرفى ان بابا قدها وقدود
وباذن الله البوست الجاى
تبشرينا انه خرج بسلامة الله
ربنا يجعله فى ميزان حسناته

لا تـــشـــتــــاق يقول...

ياحبيبه قلبي
فطرتى قلبي من البكاء وفكرتينى ببابا الله يرحمه طبعا طول العمر لباباكى حبيبك وان شاء الله ربنا يردهولك بالسلامه ياحبيبتى
متخافيش
هاااااا عمو حبيبك بيطمنك
خدى بالك من نفسك

3mr wa2el يقول...

ياحبيبة قلبي ربنا يرجعلك باباكي بالسلامة وبخير ادعيلوا انتي بس
وربنا يرجعوا ليكي بالسلامة
مفيش اكرم من ربنا
الملاك البرئ

جارة القمر يقول...

بجد أبكتني كلماتك

ربنا يخرجهولك بالسلامة صلي كتير وادعيلو وانشالله خير


وربنا دايما مع المظلوم

ماتقلقيش انشالله خير

بيطرية ومش بايدى يقول...

حبيبة بيطرية مين
ايثار طبعا والله وحشتينى اوى
ونفسى بجد اشوفك واحضنك اوى
اوعى يا ايثار تضعفى بابا هيرجع
طب والله العظيم اللى مابتحلفش بيه كدب
هيرجع وربنا قادر ينتقم منهم الظلمة
عارفة يوم القيامة يا قمر
ربنا هياخد حق باباكى واكيد هيعاقبهم قولى انتى بس يااااااارب
وهو حبيبنا بيسمع النداء


طمنينى عليكى ف الدراسة
واحكيلى على المدرسة والمذاكرة
واخبار اريج ايه ف الحضانة
شكلها شقية وعفريتة بس سكرة زيك كده يا قمرة

والله بحبك اوى ونفسى بقى تفرحى وتفرحينا معاكى

Yusuf يقول...

ان شاء الله خير

ربنا يكرمه يارب ويرجعلكوا بالسلامة

اللى موش عارف يتغير يقول...

ربنا يخرجكم من الازمة دى
انا فاهم ومقدر جيدا العلاقة اللى بتجمع البنت بابوها
بيكون حب غير عادى وانا بلمس ده كتير
صدقينى الازمات دى تصنع الحب
وربنا يزيل عنكم الهم

د/ أحمد لاشين يقول...

طمنينا يا باربي علي مذاكرتك
وهانت ان شاء الله
بابا هيرجع قريب بإذن الله
بس ربنا عايز يديله شوية حسنات
انت مستعجلة عشان يرجع
وربنا عايز يديله ثواب اكتر
وهيرجعلك قريب جدا ان شاء الله