? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

الخميس، 26 نوفمبر، 2009

اعتذاااااار


تحديث :

انا مسحت البوست اللى فات وعملته تانى علشان فيه واحد مش محترم دخل وكتب كلام مش محترم وشتم فى الرسول
عذرا يارسول الله
لو هما عرفوه هيحبوه
لكن مش هنقول غير حسبى الله ونعم الوكيل
وعايزة مكنكم بس لو بتحبوا الرسول
انكم تفضلوا تصلوا عليه
اللهم صلى على محمد وعلى ال محمد كما صليت على ابراهيم وعلى ال ابراهيم
وبارك وسلم على محمد وعلى ال محمد كما باركت على ابراهيم وعلى ال ابراهيم
فى العالمين انك حميد مجيد


دعواااتكم بقى ليا ولبابا ولماما واخواتى ولدموع القمر




ازيكم وحشتونى جدا
انا جاية بقى النهاردة علشان اقولكم على كام حاجة
هبدأ بحاجة انا كتبتها اول امبارح اسمها بحبك يامصر

بحبك يامصر
ياام الدنيا
بحبك يامصر
يابلدى الحلوة
مهما تعملى فيا انا مش زعلانة
بحبك وبحب شعبك وبحب ارضك
وبحب نيلك وبحب ازور اهرماتك واثارك الخالدة
وبحب كل حاجة فيكى وبحب اللى يحبك
وبرضو مهما تعملى فيا انا مش زعلانة
عارفة ليه
علشان انت بلد عظيمة فيكى كل الخيرات وبشكر ربى انى عشت فيكى
تاريخك عظيم وشعبك جميل
بنى الاهرامات وصنع حضارات وكمان عبر قناه السويس
والاجانب بييجوا يزوروكى علشان يشوفوا اثارك
عرفتى ليه انا بحبك يامصر
انا مش زعلانة منك خالص
بس رجعليلى بابا خلاص
*******************************************************


والتااااااااااااااااااانية انا اخدت شهادة تقدير النهاردة من المدرسة
انا كنت عايزة احطها هنا بس ربنا يسامح بقى الناس
اللى اخدت الكمبيوتر التانى بتاعنا والطابعة وكل حاجة تبع بابا
المهم
انا كنت فى المدرسة ووافقة فى الطبور وبعد التمارين قبل مانقول علم مصر
لقيت المدير بيقول احنا بنحب نكرم البنات والاولاد المتفوقين
ولقيته بيقول اول اسم ايثار جمال عبد الواحد
انا اتخضيت لما نادى اسمى والله وبعدين سلم عليا
وادانى شهادة تقدير شبه اللى فى الصورة دى هى مش شبهها اوى يعنى
ودا لانى متفوقه علميا واخلاقيا وادانى
كماان برواز كبييير عليه ورد جمييل خالص
انا اتبسط خالص وروحت وقولت لماما وهى باستنى وفرحت خالص
وقالتلى شوفتى البنات الشاطرة اللى بتذاكر وبتسمع الكلام وبتحفظ القرأن
المدرسين بيكونوا مبسوطين منها خالص وبيدوها شهادات تقدير
وكمان لما تذاكرى بابا هيحبك وهيكون مبسوط وعايزينك كدا تكونى متفوقة كمان وكمان

********************************************************

دى بقى علشان العيد هههههه
هى صور عجبتى خالص وضحكتنى فقولت احطها هنا



دا عاوزة يلبسوا ويعمل الحمار خروف العيد هههههه

دا هربان من الجزار وراح يسكن مع البطريق

ودول مبسوطين وبيرقصوا ههههههه علشان مش هيدبحوا


***********************************

وكماااااان عايزة اقول حاجة على بابا
والله بابا طيب خالص ومش وحش زى مافيه ناس فاكره
بابا عمره ماعمل حاجة وحشة ولا زعل حد
وبيحب الخير لكل الناس والبلد كلها زعلت لما بابا اخدوه
بابا دا انسان عظيم اصلا
لانه محدد يوم فى الاسبوع لازم ياخدنا يفسحنا
وبيروح الشغل فى العيادة او المستشفى
وكمان بيروح والجامعة وبيرحع يذاكر علشان الاستاذية
ومش معنى انه اخده الاعتقال يبقى حد وحش او انه مهمل فينا
او مش عاملنا اهتمام
بالعكس والله لو كان مشغول يفضى نفسه علشانا ويقعد يذاكرلى ويحكيلى قصص
ويلعب معانا انا واريج ومبزعلناش خالص
هو عمره ماعمل حاجة غلط علشان ياخدوه
هو لما ينصح الناس ويقولها دا صح ودا غلط كدا يبقى وحش لا
بس هو اخدوه ظلم هو كان معزوم عند واحد صحبوا
وهما قاعدين بياكلوا
جم الظباط واخدوهم كلهم من البيت بتاع صاحبوا
والظابط اداهم افراج علشان هما مش عليهم ذنب بس هما
بقى مش رضيوا يطلعوا بابا ربنا يسامحهم بقى
وانا حاطة الصورة وكل مرة هحطها علشان هو بيوحشنى فباجى اشوفوا وامشى



واخر حاجة بقى
كل سنة وانتم طيبيييين
ويارب العيد يكون سعيد

وكمان انا هبقى اجى احكى ايه عن يوم العيد
انا خلاص هلبس هدوم العيد
وهنزل اتفسح وهروح اصلى
وهعمل كل حاجة بابا قالى عليها

***


والسلام عليكم


17 التعليقات:

adel يقول...

معلش اللي بيشتم ده عشان معندوش كلام يقوله غير الشتيمة

هو شخص عاوز يلفت الانظار ليه وبس
بعد كده امسحي التعليقات دي و بس و مترديش اصلا ....

وكووووول سنة و انتي طيبة ياقمرايا تاني

اسماء واحلام فى وجدانى يقول...

كل سنة وانتى طيبة وبخير
واعتذر عن التاخير
غصب عنى والله

مسلمة من أرض المشرق يقول...

كل عام وأنت الى الله أقرب

كل عام و أحلامك كلها تتحقق

كل عام والبسمة على شفتيك تُرسم

كل سنة وانتى طيبه

مدونة انزف أحبارك ياقلمى

د/ أحمد لاشين يقول...

سلامنا لبابا
وبكرة هأتصل ان شاء الله عشان اسلم عليه واعيد
ولو معرفتش
قولوله كل عام وانتم بخير وربنا يتقبل

Pink Dreams يقول...

ليا عندك طلب صغنون خالص

بلغى سلامى لدموع القمر

وقوليلها انها وحشانا مووووووووووت

وقوليلها كمان كل سنه وهى طيبه

Pink Dreams يقول...

كل سنه وانتى طيبه يا سكر

عيد سعيد

لو عرفوه هيحبوه يقول...

السلام عليكم

ولا يهمك يا اختى من هؤلاء الذين يشوهون صوره النبى ووالله ما يشوهون الى انفسهم
هذه طريقه خبيثه يستخدمها مدون فى هذه الايام والافضل ان تجعلى اشراف على التعليقات

وكل عام وانتِ بخير وربنا يعيد لكِ والدك فى هذا الاسبوع ان شاء الله

ارجو منك ان تتابعينا فى حمله لو عرفوه هيحبوه لنصره النبى صلى الله عليه وسلم

ليس فقيرا من يحب يقول...

كل سنه وانتى طيبه يا قمرايه

ربنا يخرج بابا بالسلامه

ويسعدك يا روح قلبى

محمد الشوادفي يقول...

طيب ومسحتيش تعليقه بس ليه؟؟

ثانيا في خاصيه ولو انى مبحبهاش لو الواد ده رزل وكررها انك تعملى اظهار المشاركات بعد الموافقة

محمد الشوادفي يقول...

نسيت أقول انا شوفت الموضوع ده على موقع شرقاوي اون لاين

shams el den يقول...

الدكتور مش غالى عليكى بس
ده غالى على انا اوى
انا بحبه جدا
وكمان حضنه بيوحشنى
هو مش قريبى
بس مربينى
وياما جيتله
وحكيتله عن مشاكلى
وكان بيدعيلى وكمان بيثبتنى بكلامه الجميل
محدش فى الدنيا مبيحبش الدكتور جمال
بس هنقول ايه غير حسبنا الله ونعم الوكيل
ربنا يثبته ويفك اثره
هو على فكره دلوقتى كانه بيعمل عمره
ربنا يتقبل منه
اخى انت حر وراء السدود
اخى انت حر فى القيود
المسيره والعيد مالوش طعم من غيرك
واخيرا حسبنا الله ونعم الوكيل
نعم المولى ونعم النصير

جارة القمر يقول...

كل سنه وانتى طيبه يا قمرايه

عيد اضحى سعيد

معلش ماتهتميش لحد انتي خدي بالك من نفسك ومايهمكيش من اي حد

اقصوصه يقول...

عسى كل ايامكم عيد :)

زهور الامل يقول...

كل عام وانتي بخير يا ايثار

وكل عام وباباكي واريج ومامتك واخوكي ودموع القمر بخير وهنا وسعادة

تحياتي

The illusionist يقول...

كل سنه وانتى طيبه يا عسسسسسسسسسسسل

الصور حلوه والشهاده جميله

لالا شكلك شطوره يعنى ما شاء الله
كل سنه وانتى طيبه

عيد سعيد عليكى يا رب

د/ أحمد لاشين يقول...

طيب طمنينا
حاجتين مهمين جدا
الاولي اخبار بابا ايه ؟ وطمنينا عليه بعد الزيارة
الثانية خدتي العيدية والا ابعتهالك ؟؟؟؟
لو خدتيها تحجزيلي منها ربع جنيه جديد لحد لما اجي ازوركم باذن الله بعد خروج بابا بالف سلامة

غير معرف يقول...

د/ ياسر مختار

الدكتور جمال .... عندما تلقاه تجتاحك رغبة جامحة في أن تنحني على يده وتقبلها و تجتاحك رغبة في حتضانه ... وتتفجر في قلبك أقصى مشاعر الحب والرحمة والعطف والحنان والعزة والقوة والصبر والنصر والسعادة واللهفة والشوق والحنين والأخوة والصدق والرضا والأمل و ..... ..... ومشاعر أخرى كثيرة يمنعنى ضعفي اللغوي من التعبير عنها ، ومشاعر لايمكن التعبير عنها ... هذا فقط عندما ألقاه