? ??????????????Hello Kitty? ????? ?? ???Rating: 4.2 (314 Ratings)??3 Grabs Today. 29579 Total Grabs. ????
??Preview?? | ??Get the Code?? ?? ?????Winnie the Pooh? ????? ?? ???Rating: 4.3 (181 Ratings)??3 Grabs Today. 18460 Total Grabs. ??????Preview?? | ??Get the Code?? ?? ????2?? ??????? BLOGGER TEMPLATES AND TWITTER BACKGROUNDS ?

الخميس، 3 ديسمبر، 2009

اســـــــمع الـحكـايـــــة


انا جيت زى ماقولت علشان احكى عن جواب بابا

اول قصة (االملاهى )

صلوا على النبى كان يامكان كان فيه بنتين حلوين خالص اسمهم اريج وايثار
اريج وايثار كانوا بيسمعوا كلام مامام وبابا وشاطرين فى المدرسة وبيحفظوا القران وبيروحوا المسجد
ففى يوم بابا اخدهم علشان يفسحهم ويكافئهم على كدا
وهما ماشين معااه فجأاااااة وقعوا فى حفرة
الحفرة دى زى الزحليقة فضلوا يتزحلقوا ونزلوا تحت الارض ولما قاموا بيبصوا حواليهم لقوا مكان جميل خاالص
مشيوا شوية لقوا ملاهى حلوة خالص وكانوا عايزين يدخلوها لقوا راجل واقف قالوا لو سمحت ياعمو عايزين ندخل قال
ماشى بس قبل ماتدخلوا قولوا (( سبحان الله 20 مرة )) وقفت ايثار واريج وقعدوا يقولوا سبحان الله سبحان الله ولما خلصوا الراجل اتبسط منهم خاالص ودخلهم وفضلوا ماشيين لقوا القطر اللى بيحبوه وكانوا عايزين يركبوه راحوا للراجل وقالولو لو سمحت ياعمو عايزين نركب قالهم ماشى بس قولوا (( لا اله الا الله 20 مرة )) فقضلت ايثار واريج واقفين يقولوا لا اله الا الله _ لا اله الا الله ولما خلصوا الراجل ركبهم ومشيوا شوية لقوا كمان المراجيح اللى بيحبوها راحوا للراجل قالهم عايزين تركبوا قولوا ((استغفر الله 20 مرة ))
وفضلت ايثار واريج يقولوا استغفر الله استغفر الله ولما خلصوا ركبوا المراجيح وابسطوا وكانوا مبسوطين خالص
ولما خلصوا المراجيح اريج قالت لايثارانا عايزة ماما وبابا فضلوا ماشين لقوا راجل قالولوا احنا عايزين نروح لماما وبابا قالهم
لو عايزين فعلا قولوا (( الحمد لله 20 مرة و___ اللهم صلى على محمد وعلى ال محمد كما صليت على ابراهيم وعلى ال ابراهيم فى العالمين انك حميد مجيد 20 مرة ))

واول مااريج وايثار خلصوا كل اللى الراجل قال عليه

فجأااااه ايثار لقت ماما بتصحيها من النوم علشان تصلى الفجر
وتوتة توتة خلصت الحدوتة

ووصانى ان كل يوم ماانمش غير لما اقول (سبحان الله والحمد لله ولا اله الا الله واستغفر الله 20 مرة
وكمان اصلى على سيدنا محمد كتييير 20 مرة )


والقصة التااااااااااااااانية اسمها الارنوب

كان فيه مرة ارنوب مكنش بيسمع كلام ماما ودايما بيزعق فيها وكان كل يوم لما ماما تجيبلوا الاكل يقعد يقول ايه دا هو كل يوم جزر جزر
ايه دا انا مش هاكل ومامتوا تقولوا حرام عليك دا نعمة ربنا والمفروض انك تقول الحمد لله علشان اللى بيشكر نعمة ربنا ربنا بيزود النعمة دى
لكن الارنوب مسمعش كلام ماتوا وقالها لا انا مش هاكل وهمشى اروح ادور على اكل تانى
وهو ماشى لقى كل بياكل فى عظمة قالوا لو سمحت ممكن اكل معاك الكلب بصلوا وقالوا ماشى
ولسة الارنوب بياكل فى العظمة سنانوا اتكسرت وفضل ويعيط ومشى
قابل كمان الفرخة لقاها بتاكل قمح وكان عايز ياكل معاها لكن محبش الاكل بتاعها
وفضل ماشة وهو جعان خالص وبطنوا وجعتوا
ولقى بنتين حلوين اسمهم ايثار واريج كانو بياكلوا السندوتشات اللى ماما عملتها ليهم
اول ماشافهم طلع يجرى عليهم وقالهم انا جعاان قالوا ليه ؟؟
قالهم انا كل يوم ماما تجيب ليا جزر وانا زهقت من الاكل دا وعايز اكل حاجة تانية وسبتلها البيت وجيت علشان ادور على اكل

اريج / قالت لا ياارنوب المفروض انك ترجع لماما وتقولها انا اسف ومتزعقش فيها تانى
لان ربنا كدا يزعل منك
ايثار / قالت لا ياارنوب المفروض تاكل كل الاكل اللى ماما بتجيبه لان كلها نعمة ربنا والمفروض انك تقول الحمد لله على اى اكل
ومتتبطرش على النعمة علشان ممكن ربنا فى يوم ميخليش عندك اكل

الارنوب عرف كدا انه غلطان وقال انا اسف ورجع جرى لماما وقالها متزعليش منى
ومش هزعق معاكى تانى وهسمع كلامك
واى اكل تجيبيه انا هاكله واقول الحمد لله ومش ابص لاكل غيرى

وتوتة توتة خلصت الحدوتة


21 التعليقات:

غير معرف يقول...

ازيك يااحلى ايثار

ايوا لازم نقول سبحان الله والحمد لله ولا اله الا الله والله اكبر ولا حول ولا قوة الا بالله العلى العظيم

لان زى ماانت اخدتى فى المسجد

(الا بذكر الله تطمئن القلوب )

وكمان تصلى على حبيبك النبى
علشان برضو زى مااخدتى

(من صلى علي صلاه واحده صلى الله بها عليه عشر )

وكمان اول ماتسمعى حد بيذكر اسم النبى تقولى
عليه الصلاه والسلام
علشان اللى بيسمع اسم النبى ومش بيصلى عليه
النبى قال عليه بخيييل

وزى ماانت حافظة الاية اللى بتقول

((إن الله وملائكته يصلون على النبي يا أيها الذين آمنوا صلوا عليه وسلموا تسليما ))

************************

وكماان حبيبتى لازم نسمع كلام ماما

ومش ننشف دماغنا هااا
على اى حاجة

ومش نزعل اريج خاالص

وكمان منزعلش ماما ونسمع كلامها ونقول حاضر على كل حاجة

ومنقول لا __ ليه ___ اشمعنى انا __ مليش دعوة

خلاص ياايثو حبيبى اتفقنا

وكماان لازم نذاكر كويس
ونحفظ القرا ن

امووووووووه

اسماء واحلام فى وجدانى يقول...

ازيك يا باربى
كل سنة وانتى طيبة وبخير ويخليكى لماما وبابا يارب انتى واريج اللهم امين
جميلة اوى القصة الاولى دى كلها حسنات ليكى ولينا ربنا يكرمك دايما يارب
ويحققلك كل احلامك ويرجع لك بابا بالسلامة ان شاء الله

اسماء واحلام فى وجدانى يقول...

اما بخصوص الارنوب فهو محظوظ طبعا لانه مش عدى عليا تعرفى لو كنت قابلته
كان يبقى نهاره نهار
لازم نقول الحمدلله على كل شىء
لان كل شىء بيحصلنى من عنده وبامره ومش هيتغير مهما كان يبقى نرضى لان هو ده الخير اللى احنا مش حاسين به

اسماء واحلام فى وجدانى يقول...

اما بخصوص الارنوب فهو محظوظ طبعا لانه مش عدى عليا تعرفى لو كنت قابلته
كان يبقى نهاره نهار
لازم نقول الحمدلله على كل شىء
لان كل شىء بيحصلنى من عنده وبامره ومش هيتغير مهما كان يبقى نرضى لان هو ده الخير اللى احنا مش حاسين به

GeHaD-----(male) يقول...

انتي اكبر من سنك بكتير يا ايثار ربنا يرجع والدك بالسلامه انا مش عارف اقولك ايه لاني عارف انك فاهمه كل حاجه وفاهمه ايه اللي ليكي وايه اللي عليكي

ربنا يوفقك دايما وطول ما في بنات شاطرين وبيفهموا زيك يبقي الامه هتفضل بخير

تحياتي يا استاذه ايثار

adel يقول...

:) ياعثل
ايه ده
القصة الاولي حلوة قوي و كويس انك سمعتي الكلام :) و اكيد لازم تصلي قبل ما تنامي

اما القصة التانية عاجبتني قوي :):):):)
وخصوصا ان ايثار و اريج في القصة
ابقوا دخلوا العصافير بتاعتي بعد كده في قصصكم لو سمحت :):)

زهور الامل يقول...

ازيك يا اجمل ايثار
الحدوتين اجمل من بعض
ولازم تستفيدي منهم
وتذكري ربنا كتير جدا وتصلي على سيدنا محمد برضو كتير
ومتزعليش ماما
وتاخدي بالك من مذاكرتك ودروسك وتحفظي القران

ربنا يحميكي يا قمر ويبارك فيكي

تحياتي

همس الارواح !! يقول...

حبيبتى ايثار

القصتين حلوين اوى والله

وبجد ربنا يكرمك دايما انتى واختك
ولازم نصلى على النبى ونذكر الله كتير جدا

ولازم كمان نسمع كلام بابا وماما

سلام ياقمر

with you يقول...

السلام عليكم ورحمة الله وبركاته

كيف حالك يا باربي

كل عام وأنت بخير

تقبل الله منا ومنك

سوف أعود لأقرأ الرسالة بإذن الله

تحياتي

محمد حياتنا

غير معرف يقول...

د/ ياسر مختار

الدكتور جمال .... عندما تلقاه تجتاحك رغبة جامحة في أن تنحني على يده وتقبلها و تجتاحك رغبة في حتضانه ... وتتفجر في قلبك أقصى مشاعر الحب والرحمة والعطف والحنان والعزة والقوة والصبر والنصر والسعادة واللهفة والشوق والحنين والأخوة والصدق والرضا والأمل و ..... ..... ومشاعر أخرى كثيرة يمنعنى ضعفي اللغوي من التعبير عنها ، ومشاعر لايمكن التعبير عنها ... هذا فقط عندما ألقاه

مي يقول...

اولا حلو اووى القصتين جميييلة زيك يا ايثار وذاكرى كويس وسلميلى على اريج وذاكرى عشان بابا وماما يفرحوا بيكى ورافو عليكى انك بتقولى الاذكار وبتقرى قرأن ربنا يحميكى ويوفقك
امووووووواه

د/ أحمد لاشين يقول...

يا بختك يا ايثار
فعلا يابختك بقصص بابا الجميلة
ربنا يعينك وذاكري
ونفذي كلام بابا
احفظي قرآن وصلي وقولي ادعية
ومتنسيش تدعي للمدونين كمان
ولمصر كلها وكل امتنا العربية والاسلامية

adel يقول...

ياقمرايا نونو
سلامك وصل و فرحني قوي رغم ان الصداع مجناني :)

وبمناسبة الكارتون
انا كلام في سرك مدمن كارتون وبحب اتفرج علي كل افلام الكارتون :)
لو في فيلم عاوزة قويليلي و هابعت لينكات و تخلي مثلا (همسات في ضؤ القمر) تنزلهولك :)

جارة القمر يقول...

انتي جميلة جدا من جوة

ربنا يطمنك على باباكي

Somaya Kamal El Din يقول...

حبيتى ازيك يا قمراية

انا بخير وكويسة انتى طمنينى عليكى يا رب تكونى بخير

وحلوة اووووى طنط منك
سؤالك عليا فرحنى جدااااااااااااااا

اعتبرينى اختك وده يشرفنى جدااااا ان تبقى اختى امورة وبتسمع الكلام زيك وشطورة بتسمع الكلام


ربنا يخليكى لباباكى ويخليه ليكى ودايما كده تسمعى كلام ربنا
وتقولى فى كل وقت ( سبحان الله والحمد لله ولا اله الا الله واستغفر الله وتصلى على سيدنا محمد )


فى امان الله
ودايما طمنينى عليكى
وخلى بالك من نفسك واخواتك وماماتك

سلام يا حبيبتى

الفراغ يقول...

ازيك توتى فروتى
ازيك يا ايثار
ربنا يبارك فيكى انتى واريج
وجميل قوى انك تخلينا نذكر الله
وجميل منك انك توصى نفسك واختك بسماع كلام ماماوبابا
وربنا يخليكم ليهم ويخليهم ليكوا

فليعد للدين مجده يقول...

شكرا يا ايثار علي تحيتك
وانا معجب جدا بنشاطك
سلمي لي علي بابا وان شاء الله نراه قريبا سالما مأجورا غانما

Mo7ammed يقول...

ازيك ياقمر
سلامك وصلنى ياجميل ومعلش انا مقصر معاكى

بس القصة حلوووة خاالص

يلا بقى نزلى بوست جديد قوليلنا فيه اخبارك

وابقى سلميلنا على دموع القمر

علشان شكلها كده مسحت مدونتها

يلا سلام يا ست ايثار

سلمى يقول...

ايثار يا قمر
فينك مش بتيجى عندى ليه
قصصك زى العسل وشكلك شطوره خالص
وبتسمعى الكلام
مستنياكى تيجى تزورينى فى المدونه
مع السلامه يا جميل

محمد الشوادفي يقول...

ربنا يتقبل .. اللهم أمين ... على فكرة أنا شوفت موضوع عنك على اخوان اون لاين http://www.ikhwanonline.com/Article.asp?ArtID=57779&SecID=211

مقاوم يقول...

ازيك يا إيثار ياأمورة ..
ربنا يبارك فيكِ يارب ، وفي أريج وفي العيلة كلها، ويرجع لك بابا حبيبك بالسلامة..
أنا فتحت مدونتك عشان أشوف مين الأمورة الحلوة دي ..
لقيتك كمان مبدعة وأديبة..
فضلت أقرأ وأقرأ في كلامك وسرحت خالص ونسيت نفسي لغاية لما واحد نادى علي..
ياريت كل البنات يكونوا زيك ، وربنا يجعلك قرة أعين لوالديك ..


عمو عمرو
مدونة قاوم