ازيكم وحشتونى خالص معلش انا اتأخرت عليكم بس كنت مشغولة خالص
علفكرة انا نجحت وكنت ناقصه درجة واحدة بس
كل سنة وانتم طيبين شهر رمضان قريب انا بحبه اوى وبحب اصلى التراويح
انا حوشت انا واريج وجبنا فانوس وكمان احنا فى الشارع كل البنات عملنا زينة وعلقناها
انا نفسى ادخل الجنة انا وبابا وماما واخواتى كلمهم
الاغنية دى انا بحبها اوى واكيد كلنا بنحب نسمعها
رمضان جانا
رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا اهلا رمضان
بتغيب علينا وتهجرنا وقلوبنا معاك
وفى السنة مرة تزورنا وبنستناك
من امتى واحنا بنحسبلك ونوضبلك ونرتبلك
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
يوم رؤيتك لما تجينا زى العرسان
نفرح وننصب لك زينة اشكال والوان
فى الدخلة نبقى نطبلك ونهللك اه ونقولك
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
يا مسحراتي دوقلنا تحت الشباك
سمعنا وافضل غنيلنا للفجر معاك
واعملنا هوليلة تلاتين ليلة حلوة جميلة
اهلا رمضان جانا قولوا معانا اهلا رمضان
رمضان جانا اهلا رمضان
قولوا معانا اهلا رمضان
رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا اهلا رمضان
رمضان جانا اهلا رمضان
قولوا معانا اهلا رمضان
الثلاثاء، 3 أغسطس 2010
حبيبى قريب ييجى
مرسلة بواسطة TWEETY في 12:36 م
الاشتراك في:
تعليقات الرسالة (Atom)
27 التعليقات:
مبرووووووووووووووووك
وكل سنة و انتي طيبة
ورمضان كريم مقدما
كل سنه وانتى طيبه يا روح قلبى
يارب يعود علينا الايام الطيبه
ويخليلك بابا وماما واخواتك وكل حبايبك
بوسيلى اواب واريج بوسه كبييييييييييييرة
واحضنيلى نفسك وبوسيهالى
مبرووووووووووووووووووك على النجاح وعقبال ما تتخرجى من الجامعه ان شاء الله
كل سنه وانتى طيبه يا ايثار
الف الف مبروك على النتيجه
شكلك متفوقه
خليكى كده عشان تكبرى وانتى شاطره
ونغنى ونقول هيه رمضان جه
بس اوعى تتابعى مسلسلات كتير
هتضيعى رمضان كلو كده
ومتنسيش تدعى لكل حد بتحبيه
كل سنه وانتى طيبه يا إيثار
كلنا طبعا بنحب رمضان اوى اوى اوى .ومنتظرينه بشوق كبير اوى اوى اوى.
والف مبروك ع النجاح والتفوق
ويارب يحققلك كل اللى بتتمنيه وتدخلى انتى وباباكى ومامتك واريج الجنه وإياى
قولى آمين
ومبروك ع الفانوس
ورمضان كريم
مبروك يا ايثار انا اول مرة اجي هنا لكن هاجي تاني ان شاء الله
كل سنة وانتي طيبة
علفكر يا إيثار أحنا صحاب
بس انا اكبر طبعاً أنا متأكدة
أننا اتقبلنا قبل كدة
مبرووووك يا حبيبتى النجاح
و عقبال الثانوية و الكلية
و اشوفك دكتورة قد الدنيا
كل سنة و انتى طيبة
و رمضان سعيد عليك حبيبتى
تسلمى على مرورك الراااائع
السلام عليكم ..
كل سنة وأنتم بخير وطيبين وإن شاء الله الجنة من نصيبكم ونصيبي ونصيب كل مؤمن اللهم آمين.
مدونتك جميلة وإن شاء الله سأقرأ لاحقا القصص التي كتبتهيها وقد أضفتها في مفضلتي أعقل مجنونة لكن حاليا لا تدخليها لأنه في ناس عملت أزية ليه وهجموا عليها تنفع قصة محدش يبحب يسيب حد في حاله صح ولا لأ .. معليش أنا رغاية شويتين بس المهم دائما كلكم بخير يارب اللهم آمين
ألف مليون مبرووووووك علي النجاح
وكل سنه وانتي بخير يا عسوله
يارب تبقي أيامك كلها سعاده
ويارب تعيشي مرتاحه وفرحانه طول حياتك
تقبلي مروري
مبروك على النجاح يا قمر
وكل سنه وانتى طيبه
ورمضان كريم
ربنا يحفظك يارب يا حبيبتى
جوجو
الف مبروك يا باربى وعقبال الشهاده الكبيره ونشوفك دكتوره
كل سنه وانتى طيبه يا حبيبتى
ومبروك عليكى وعلى اختك الفانوس
هتصومى ولا لا؟
اكيد بقا هتصومى احنا كبرنا خلاص ولا ايه يا باربى
مدونتك جميله وعسوله زيك
ومرسيى يا حبيبتى على دعوتك الجميله ياروح طنط
سلمى لى على ماما وقوليلها كل سنه وانتى طيبه
دمتى فى حفظ الرحمن
ربنا يحميكى
الف الف مبرووك عالنجاح والتفوق
ومعلش عالدرجة تعوضيها السنة الجايا
وكل سنة وانتى طيبة ودايما بخير انتى وكل اهلك وكل اللى بتحبيهم
السلام عليكم
ازيك ياايثار
معلش انا اتاخرت عن مدونتك لمشاغل عندي
الف مليون مبروك للنجاح الجميل والدرجات الحلوه قوى
يارب دايما فى نجاح وسعاده وفرح
ده خبر حلو قوى وان شاء الله دايما اخبارك تبقى حلوه
انا برضه عايز ادخل الجنه وبادعى ربنا انى ادخل الجنه انا والمسلمين
حطى ده هدف فى حياتك انك تدخلى الجنه
هدف انك ترضى ربنا
وان شاء الله هاتدخلى الجنه
ادعى لنفسك كثير بس برضه ادعى للمسلمين كلهم
تخيلى باه لما تدعى لواحد بتاخدى حسنات ان شاء الله
شوفى باه لما تدعى للمسلمين كلهم
كل سنه وانتى طيبه يا ايثار
يارب رمضان السنه دي يبقى فيه مواقف حلوه كتيره لكى
جو رمضان غير باقى الشهور خالص
سبحان الله
رغم اننا بنكون مع نفس الاشخاص ونفس الاماكن
لكن وقت رمضان غير باقى الاوقات خالص
طبعا صلاه التراويح لها طعم تاني خالص
واى صلاه فى شهر رمضان لها ثواب مختلف عن باقى الشهور
وطبعا اى اعمال خير
حاولى برضه تقراى كثير فى المصحف فى شهر الخير
مبروك الفانوس
ان شاء الله يكون زوقه حلو
حاولى تستمرى فى اخلاقك الجميله وحبك للجنه وانا واثق ان شاء الله انتى هاتستمرى على الخط الجميل ده
معلش يا ايثار انا طولت عليكي
الف مبروك مره تاتيه
وكل سنه وانتى طيبه
محمود
كل سنة و انتي طيبة
حلو اوي البوست بيتاعيك
السلام عليكم..
ياحبيبتي ألف مبروووووك النجاح يا قمر ...
وكل سنه وإنتِ طيبه يارب
ورمضان مبارك عليكي وعلى عيلتك كلهـــا ...
...
وأن شاء الله تدخلي الجنه إنتِ وكل إلي بتحبيهم اللهم آمين...
...
ماتنسينيش يا قمر من دعواتك في التراويح
أسأل الله أن يحفظكِ من كل شر ....
...
في حفظ الله
مبروك يايثار ياسكر علي النتيجه
انتي بنوته شطوره خالص
ربنا يوفقك يارب وكل سنه وانتي طيبه ياحبيبتي
كل سنه وانت طيبه نصيحه من اْخ كبير حافظى على صلاتك وصيامك واْختمى المصحف كذا مره وخالى ديماَ محبة الله هى هدفك فى الحياة ورمضان كريم
اْخوكى الكبير
محمود المصرى
مدونتك جميلة أوي يا إيثـار ما شاء الله وروحك حلوة أوي، وموهبتك رائعة أوي.. :)
أنا أخدت جولة سريعة في المدونة، لأن اسمها لفت انتباهي :) :)
ألف مبروك النجــاح وعقبال التخرج الكبير :)
ورمضان كريم وكل سنة وإنتي طيبة :) :)
كل سنه وأنتِ طيبه ياعسوله
وعقبال ما أشوفك صحفيه وأديبه كبيره أن شاء الله
وألف مبروك النجاح ياأصغر وأجمل المدونين
وأنا فرحان بيكِ قوى وربنا يحميكِ ويبارك فيكِ بس ياريت تقرأى كتير لوعايزه تبقى كاتبه قصص وأديبه عظيمه
وسنتابع قصصك أولاً بأول
ودمتِ بخير ياعسوله
كل سنة وأنتي طيبه يا أيثار .
رمضان كريم .
محمد البنا
ايثار كل سنه وانتى طيبه ورمضان كريم يا قمر
جوجو
ازيك يا توتى
كل سنه وانت طيبه بمناسبة رمضان
كل عام والعائله الكريمه بخير
تحياتى
كل سنة وانتى طيبة ياجميلة
ورمضان كريم عليكى وعلى اريج وعلى بابا وماما يارب
وربنا يكرمك دايما وان شاء الله هتدخلى الجنة باذن الله
الف مبروووووك على النجاح بتفوق دا يارب دايما ناجحة ومتفوقة
باربى الغالية
اسف على التأخير
وكل سنةوانت وبابا وماما وكل أحبابك فى خير وسلام
وربنا يجعلك من أهل الجنة
10 سنين
كان ليكى حق فعلا لما تيجى مدونتى تقوليلى ياطنط
بس اوعى تقوليهالى تانى احسن ازعل منك انا اكبر منك اه بس حاجه بسيطه
انا 16 وانتى 10 مش فرق كبير يعنى
هههههههههههههه
مدونتك رائعه ياقمر ومش كنت اتوقع ان واحده فى سنك يكون عندها مدونه
كل سنه وانتى طيبه
ورمضان كريم
ومبروك النجاح المتفوق ده وعقبال الثانوية يارب
اعتبرينى من هنا ورايح اختك وبلاش طنط دى
السلام عليكم
ازيك يا ايثار
كل سنه وانتى طيبه
يارب تقضى شهر رمضان وكل الشهور بخير وصحه وسعاده
ربنا يسعدك دايما
وكل سنة و انتي طيبة
إرسال تعليق