خبر سعيد خالص

انا جاية النهاردة علشان اقول لكم على خبر سعيد خالص
انا فرحت اوى لما عرفت

هو ان
دموع القمر
او همسات على ضوء القمر

خطوبتها بكرة وكلنا مبسوطين ربنا يكرمها
وانا بدعيلها ربنا يخليها سعيدة ومبسوطة

هى كانت زعلانة علشان بابا مش موجود ومكنتش عايزة تعمل حاجة
لكن هو بعتلها جواب وقالها وافقى وربنا يتمم لها على خير
هى كانت عايزة هى اللى تكتب هنا الاول بس انا قولت لا انا اللى هكتب
هههههههههه
وهى سابتنى انا اللى اكتب علشان افرح كل الناس
انا عارفة انكم بتحبوها وانتو زعلانين انها سابت المدونة

وكماااااان فيه خبر
ان انا كتبت قصة حلوة اسمها العصا السحرية
وهمسات اخدتها و نزلتها فى الجرنال وحطت صورتى كمان عليها
وانا مبسوطة خالص كمان
والمرة الجاية هكتبها هنا
بس انا جيت علشان كلكم تفرحوا معايا

وكماان بمبسوطة علشان نشروا مواضيع ليا فى اخوان اون لاين وشرقاوى اون لاين
انا بشكر كل الناس وبشكر عمو محمد وبقولهم انا بحبكم جدا

http://www.ikhwanonline.com/Article.asp?ArtID=57779&SecID=211


http://sharkawyonline.net/sharkawy/sh/po/posts.php?toid=978

اســـــــمع الـحكـايـــــة

انا جيت زى ماقولت علشان احكى عن جواب بابا

اول قصة (االملاهى )

صلوا على النبى كان يامكان كان فيه بنتين حلوين خالص اسمهم اريج وايثار
اريج وايثار كانوا بيسمعوا كلام مامام وبابا وشاطرين فى المدرسة وبيحفظوا القران وبيروحوا المسجد
ففى يوم بابا اخدهم علشان يفسحهم ويكافئهم على كدا
وهما ماشين معااه فجأاااااة وقعوا فى حفرة
الحفرة دى زى الزحليقة فضلوا يتزحلقوا ونزلوا تحت الارض ولما قاموا بيبصوا حواليهم لقوا مكان جميل خاالص
مشيوا شوية لقوا ملاهى حلوة خالص وكانوا عايزين يدخلوها لقوا راجل واقف قالوا لو سمحت ياعمو عايزين ندخل قال
ماشى بس قبل ماتدخلوا قولوا (( سبحان الله 20 مرة )) وقفت ايثار واريج وقعدوا يقولوا سبحان الله سبحان الله ولما خلصوا الراجل اتبسط منهم خاالص ودخلهم وفضلوا ماشيين لقوا القطر اللى بيحبوه وكانوا عايزين يركبوه راحوا للراجل وقالولو لو سمحت ياعمو عايزين نركب قالهم ماشى بس قولوا (( لا اله الا الله 20 مرة )) فقضلت ايثار واريج واقفين يقولوا لا اله الا الله _ لا اله الا الله ولما خلصوا الراجل ركبهم ومشيوا شوية لقوا كمان المراجيح اللى بيحبوها راحوا للراجل قالهم عايزين تركبوا قولوا ((استغفر الله 20 مرة ))
وفضلت ايثار واريج يقولوا استغفر الله استغفر الله ولما خلصوا ركبوا المراجيح وابسطوا وكانوا مبسوطين خالص
ولما خلصوا المراجيح اريج قالت لايثارانا عايزة ماما وبابا فضلوا ماشين لقوا راجل قالولوا احنا عايزين نروح لماما وبابا قالهم
لو عايزين فعلا قولوا (( الحمد لله 20 مرة و___ اللهم صلى على محمد وعلى ال محمد كما صليت على ابراهيم وعلى ال ابراهيم فى العالمين انك حميد مجيد 20 مرة ))

واول مااريج وايثار خلصوا كل اللى الراجل قال عليه

فجأااااه ايثار لقت ماما بتصحيها من النوم علشان تصلى الفجر
وتوتة توتة خلصت الحدوتة

ووصانى ان كل يوم ماانمش غير لما اقول (سبحان الله والحمد لله ولا اله الا الله واستغفر الله 20 مرة
وكمان اصلى على سيدنا محمد كتييير 20 مرة )


والقصة التااااااااااااااانية اسمها الارنوب

كان فيه مرة ارنوب مكنش بيسمع كلام ماما ودايما بيزعق فيها وكان كل يوم لما ماما تجيبلوا الاكل يقعد يقول ايه دا هو كل يوم جزر جزر
ايه دا انا مش هاكل ومامتوا تقولوا حرام عليك دا نعمة ربنا والمفروض انك تقول الحمد لله علشان اللى بيشكر نعمة ربنا ربنا بيزود النعمة دى
لكن الارنوب مسمعش كلام ماتوا وقالها لا انا مش هاكل وهمشى اروح ادور على اكل تانى
وهو ماشى لقى كل بياكل فى عظمة قالوا لو سمحت ممكن اكل معاك الكلب بصلوا وقالوا ماشى
ولسة الارنوب بياكل فى العظمة سنانوا اتكسرت وفضل ويعيط ومشى
قابل كمان الفرخة لقاها بتاكل قمح وكان عايز ياكل معاها لكن محبش الاكل بتاعها
وفضل ماشة وهو جعان خالص وبطنوا وجعتوا
ولقى بنتين حلوين اسمهم ايثار واريج كانو بياكلوا السندوتشات اللى ماما عملتها ليهم
اول ماشافهم طلع يجرى عليهم وقالهم انا جعاان قالوا ليه ؟؟
قالهم انا كل يوم ماما تجيب ليا جزر وانا زهقت من الاكل دا وعايز اكل حاجة تانية وسبتلها البيت وجيت علشان ادور على اكل

اريج / قالت لا ياارنوب المفروض انك ترجع لماما وتقولها انا اسف ومتزعقش فيها تانى
لان ربنا كدا يزعل منك
ايثار / قالت لا ياارنوب المفروض تاكل كل الاكل اللى ماما بتجيبه لان كلها نعمة ربنا والمفروض انك تقول الحمد لله على اى اكل
ومتتبطرش على النعمة علشان ممكن ربنا فى يوم ميخليش عندك اكل

الارنوب عرف كدا انه غلطان وقال انا اسف ورجع جرى لماما وقالها متزعليش منى
ومش هزعق معاكى تانى وهسمع كلامك
واى اكل تجيبيه انا هاكله واقول الحمد لله ومش ابص لاكل غيرى

وتوتة توتة خلصت الحدوتة

زرت بابا وادانى جوااب

السلام عليكم

انا رحت لبابا اول امبارح يوم الوقفة
صحيت بدرى الساعة 3 ولبست هدومى انا واريج ونزلت انا وماما واخواتى الساعة 4 وركبنا العربية وعدينا على تيتا
وانا فى الطريق اتسحرت وبعدين الفجر اذن وصليت فى العربية انا كنت واخده معايا طرحة علشان الصلاه
وبعدين وصلنا الساعة 9 احنا اتأخرنا فى الطريق علشان تهنا معرفناش الطريق بتاع بابا

حطينا الشنط واتفتشت والناس اللى هناك فتشونا وبعدين دخلنا وفضلنا مستنيين كتيييير وبعدين دخلنا فى حته كماان وسجلنا اسمائنا
وبرضو فضلنا مستنيين وبعدين جم فنشونا تاااااانى بس بقى بهدلوا الاكل اللى جايبينه لبابا وكسروا العيش وروموا المخدة والبطانية اللى كنا جايبينها ومش رضويوا يدخلوها واصلا المكان هنااك وحش ومش نضييف خاااااالص وكنت هعيط وفضلت ادعى على الظابط الوحش اللى بهدل الحاجة وبعدين
يدخلونا ودخلوا الحااجة
وبعد كدا شوفت بابا واخدته بالحضن وقعد يبوس فيا وقالى وحشتينى خالص انا مبسوطة انى شوفته وكلمته

وكماااااااااااان ادناانى اللعب جمييلة وادنى اخويا واختى الكبااار مصحف جميييل
وكمااااااااان ادانى انا وارييج العدية بتاعة العيد

وادانى جوااب جمييل خالص وفيه كلام حلو
وقالى اخلى بالى من اخواتى ومش ازعلههم واسمع كلام ماما
واخلى بالى من المذاكرة
وكماان جوااب فيه قصتييت هبقى احكيهم هنا مرة تانية

وكمااااان اسلم علي كل الناس اللى بيدخلوا عندى المدونة كتييييييييير
وعلى المدرسيين اللى باخد عندهم درس

وقعدت ساعة وروحنا تاانى البيت وانا مبسوطة خااالص


انا اتعلمت حاجاااااات كتيييير من بابا

1- انى احب الاسلام واضحى علشانه
2- انى احب القرأن
3- انى احب المذاكرة علشان اكون زييه كدا دكتورة فى الجامعة
4 - انى اعمل اى حاجة علشان ربنا يحبنى
5- ان ربنا لما يعمل فينا حاجة اقول الحمد لله
6 - ان ربنا بيختبر المسلم علشان يشوفوا انسان كويس ولا لا واقول الحمد لله ولا لا
7 - انى احب اخواتى وماما وكل الناااس
8 - ان كل دقيقة بابا بيقعدنا فى السجن بناخد منها حسنات
9- اساعد الناس مهما كانت الظروف
10- انى ادعى ربنا كتيييير واصلى ومش اسيب فرض
وحااجاات كتير خالص بس دول اللى فى بالى دلوقتى

*****************************************

نروح بقى ليوم العييد

انا حضرت هدومى انا واريج ونمنا ولما صحينا صلينا الفجر ولبسنا ونزلنا الساحة علشان العيد
وبعدين فضلنا نلعب هناك فى المراجيح وركبنا العربية ورحنا لتيتا وفطرنا هناك وبعدين روحت على بيت العيلة
وشوفتهم وهما بيدبحوا الجاموسة وبعدين دخلت جوا فى الجنينة وركبت المراجيح انا وبنات خالتى وخالى وولاد خاللى
وبعدين رحت عند خالت بابا وقعدت هناك كتير واتفرجت على التليفزيون وجبت حلويات ونمت

والنهاردة عمتو زارتنا وبعد شوية هروح المراجيح بتاعة العيد
ومش عارفة بقى هعمل ايه تاانى

كل سنة وانتم طييبين

اعتذاااااار

تحديث :

انا مسحت البوست اللى فات وعملته تانى علشان فيه واحد مش محترم دخل وكتب كلام مش محترم وشتم فى الرسول
عذرا يارسول الله
لو هما عرفوه هيحبوه
لكن مش هنقول غير حسبى الله ونعم الوكيل
وعايزة مكنكم بس لو بتحبوا الرسول
انكم تفضلوا تصلوا عليه
اللهم صلى على محمد وعلى ال محمد كما صليت على ابراهيم وعلى ال ابراهيم
وبارك وسلم على محمد وعلى ال محمد كما باركت على ابراهيم وعلى ال ابراهيم
فى العالمين انك حميد مجيد

دعواااتكم بقى ليا ولبابا ولماما واخواتى ولدموع القمر

ازيكم وحشتونى جدا
انا جاية بقى النهاردة علشان اقولكم على كام حاجة
هبدأ بحاجة انا كتبتها اول امبارح اسمها بحبك يامصر

بحبك يامصر
ياام الدنيا
بحبك يامصر
يابلدى الحلوة
مهما تعملى فيا انا مش زعلانة
بحبك وبحب شعبك وبحب ارضك
وبحب نيلك وبحب ازور اهرماتك واثارك الخالدة
وبحب كل حاجة فيكى وبحب اللى يحبك
وبرضو مهما تعملى فيا انا مش زعلانة
عارفة ليه
علشان انت بلد عظيمة فيكى كل الخيرات وبشكر ربى انى عشت فيكى
تاريخك عظيم وشعبك جميل
بنى الاهرامات وصنع حضارات وكمان عبر قناه السويس
والاجانب بييجوا يزوروكى علشان يشوفوا اثارك
عرفتى ليه انا بحبك يامصر
انا مش زعلانة منك خالص
بس رجعليلى بابا خلاص
*******************************************************


والتااااااااااااااااااانية انا اخدت شهادة تقدير النهاردة من المدرسة
انا كنت عايزة احطها هنا بس ربنا يسامح بقى الناس
اللى اخدت الكمبيوتر التانى بتاعنا والطابعة وكل حاجة تبع بابا
المهم
انا كنت فى المدرسة ووافقة فى الطبور وبعد التمارين قبل مانقول علم مصر
لقيت المدير بيقول احنا بنحب نكرم البنات والاولاد المتفوقين
ولقيته بيقول اول اسم ايثار جمال عبد الواحد
انا اتخضيت لما نادى اسمى والله وبعدين سلم عليا
وادانى شهادة تقدير شبه اللى فى الصورة دى هى مش شبهها اوى يعنى
ودا لانى متفوقه علميا واخلاقيا وادانى
كماان برواز كبييير عليه ورد جمييل خالص
انا اتبسط خالص وروحت وقولت لماما وهى باستنى وفرحت خالص
وقالتلى شوفتى البنات الشاطرة اللى بتذاكر وبتسمع الكلام وبتحفظ القرأن
المدرسين بيكونوا مبسوطين منها خالص وبيدوها شهادات تقدير
وكمان لما تذاكرى بابا هيحبك وهيكون مبسوط وعايزينك كدا تكونى متفوقة كمان وكمان

********************************************************

دى بقى علشان العيد هههههه
هى صور عجبتى خالص وضحكتنى فقولت احطها هنا


دا عاوزة يلبسوا ويعمل الحمار خروف العيد هههههه

دا هربان من الجزار وراح يسكن مع البطريق

ودول مبسوطين وبيرقصوا ههههههه علشان مش هيدبحوا


***********************************

وكماااااان عايزة اقول حاجة على بابا
والله بابا طيب خالص ومش وحش زى مافيه ناس فاكره
بابا عمره ماعمل حاجة وحشة ولا زعل حد
وبيحب الخير لكل الناس والبلد كلها زعلت لما بابا اخدوه
بابا دا انسان عظيم اصلا
لانه محدد يوم فى الاسبوع لازم ياخدنا يفسحنا
وبيروح الشغل فى العيادة او المستشفى
وكمان بيروح والجامعة وبيرحع يذاكر علشان الاستاذية
ومش معنى انه اخده الاعتقال يبقى حد وحش او انه مهمل فينا
او مش عاملنا اهتمام
بالعكس والله لو كان مشغول يفضى نفسه علشانا ويقعد يذاكرلى ويحكيلى قصص
ويلعب معانا انا واريج ومبزعلناش خالص
هو عمره ماعمل حاجة غلط علشان ياخدوه
هو لما ينصح الناس ويقولها دا صح ودا غلط كدا يبقى وحش لا
بس هو اخدوه ظلم هو كان معزوم عند واحد صحبوا
وهما قاعدين بياكلوا
جم الظباط واخدوهم كلهم من البيت بتاع صاحبوا
والظابط اداهم افراج علشان هما مش عليهم ذنب بس هما
بقى مش رضيوا يطلعوا بابا ربنا يسامحهم بقى
وانا حاطة الصورة وكل مرة هحطها علشان هو بيوحشنى فباجى اشوفوا وامشى

واخر حاجة بقى
كل سنة وانتم طيبيييين
ويارب العيد يكون سعيد

وكمان انا هبقى اجى احكى ايه عن يوم العيد
انا خلاص هلبس هدوم العيد
وهنزل اتفسح وهروح اصلى
وهعمل كل حاجة بابا قالى عليها

***

والسلام عليكم

للـــــــذكـرى

دا بابا حبيبى هو حياتى هو عنيا انا من غير بابا بحس ان حاجة نقصانى
ياااااه لو تعرفوا انا كنت فرحانة ومبسوطة قد ايه ان بابا اخد افراج
رحت انا واريج وجبنا زينة وعلقناها فى الشقة
وجبنا لوح وكتبت عليها وحشتنى يابابا وبحبك اوى ربنا يخليك لينا
وفضلنا مستنيين بابا وبابا مجاش

اتصلنا على عمو المحامى قال فيه محكمة بكرة تانى وبعديها اتصل علينا وقاااال افراج والحمد لله
فرحت اوى وقعدت اتنطط انا واريج وفضلنا مستنيين بابا وبابا لسة مجاش

رجعت النهاردة من المدرسة لقيت ماما بتعيط واخواتى
بسالهم قالولى بابا اخدووووووه تانى

مع ان القاضى قالهم انكم افراج لانكم مفيش دليل على كلام الظباط
ورغم كدا اخدوا واخدوا روحى معااه انا مسكت نفسى ومرضتش اعيط وجيت اكتب لكن عيطت لانه هيوحشنى اوى
ولانه مش هيحضر معانا العيد

عارفييين هما كانوا 25 طلعوا 20 واعتقلوا 5 ومنهم بابا وكمان ودوه برج العرب اللى فى اسكندرية دى
مش حرااااااام عليهم اللى بيعملوه دا
يحرمونى من بابا طب يحضر معانا العيد بس
بعد مافرحنا نكودا علينا حسبى الله ونعم الوكيل


ودى انا واريج اخر مرة بابا كان فيها معانا
اخدنا دريم بارك وفسحنا ولعبنا
مش عارفة هيرجع تانى ويلعبنا ويفسحنا ولا لا
ربنا يرجعك بالسلامة
طب كانوا يقولوللنا هيفضل بعيد عننا لغاية امتى
لكن هما قالوا اعتقااال طب لغاية امتى ؟؟
ياترى هيضلع وانا لسة صغيرة
ولا هيطلع لما اكبر
ربنا يرجعه بالسلاااامة

انا قولت انى هعمل حفلة وهتكون فيها حلويات
بس خلاص بقى معلش

وانا هصبر وهقول يارب زى ماعادل قالى
اتعودي اي حاجة تجي وحشة لاقدر الله اعرفي ان ده عشان ربنا منع الاوحش منها

وهقول زى مافقرى قالى قولى يارب تبقى احسن يا بلدى

ومش هزعل زى مازهور الامل قالتلى

انتي المفروض انك تفتخري بابوكي لانهم اخدوه في شيء يشرف وهو انه بيدعي لطريق الهداية والدين والاسلام

وهقول زى ماقال يوسف انا لله وانا اليه راجعون

بسم الله الرحمن الرحيم

"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ ﴿155﴾ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ﴿156﴾"

وهعمل زى مادكتور احمد قالى
عمرى ماهضعف ولا اعيط ولا اى حاجة
وهذاكر وانجح وهكمل حفظ القرأن وهخلى بالى من اريج ومن ماما واخواتى وهسمع كلامهم ومش هزعلهم ابدا

ودعواتكم بقى علشان فيه نونو جاى قريب
بس كان نفسى يجى وبابا موجود

يااترى هترجع امتى يابابا ؟؟؟
هسمع صوتك تانى ؟؟؟
هحضنك تانى ؟؟

انتوا عارفين ايه اللى صبرنى
ان الظابط الطيب اللى كان مع بابا فى العربية خلاه يتصل علينا ويكلمنا ويطمن علينا
وعلشان كدا انا مبسوطة شوية

هو قالى البسى هدوم العيد وانزلى وروحى صلاة العيد والعبى وروحى المراجيح زى كل سنة
انا قولت مش هروح بس هو خلانى اوعده

انا عندى امل انه يطلع قريب

معلش والله انا كنت عاملة المدونة دى علشان اكتب فيها القصص
بتاعتى
بس هما جم اخدوا بابا
بس بقى قولت اكتب فيها كمان اللى مزعلنى
وبكتب فيها كل حاجة

وبابا اخد افراااااااااااااج

انا مبسووووووووووووووووووطة جدا
لييييييييه بقى
لان بابا اخد افراج

مش انا قولتلكم ان العرض يوم السبت
وهما حكموا 15 يوووووووووم

وبعدين لقينا عمو المحامى بيتصل علينا وقال انهم اخدوا افراااااااج وهيطلعوا بعد 24 ساعة

انا قولت اجى افرحكم وامشى

واكيد هاجى تاااااانى وهحتفل بعيد ميلادى زى ماوعدتكم

وانا بقول الحمد لله ان بابا هيحضر معانا العيد
انا كنت بعيط ان اول عيد بابا مش هيكون معانا

بس طبعا اول مااخد بابا فى حضنى ويبات معانا

انا هاجى واعمل حفلة كبييييييييييرة وهيكون فيها حلوياااااااااات كتيييييييييرة

انا بحبكم اوووووووى والله

وبجد مبسوطة من الناس اللى كانوا بيعدوا لبابا

واخدت بابا فى حضنى

النهاردة احسن يوم فى حياتى

انا مبسوطة انى شوفت بابا
واخدته فى حضنى
ماما قالتلى امبارح انا واريج اننا هنروح نزور بابا انا مكنتش مصدقة لاننا المرة اللى فاتت مرضيوش يدخلونا
فضلت انا واريج صاحين وعمالين نتكلم ومش جايلنا نوم
وبعدين نمنا وصحينا رحنا لبابا انا واريج واحمد وماما وتيتا وجدو وعمو
و بنت خالتو جت بعدينا
ووصلنا الساعة 11 وفضلنا مستنيين لغاية الساعة واحدة ونص
وبعدين الظابط نادا على اللى موجودين احنا مصدقناش وجرينا كلنا وعيطنا من الفرحة
وانا اول واحدة دخلت بابا وجريت عليه وحضنته ولف بيا وقعد يبوس فيا انا واريج
وبعدين الباقى دخل وقعدنا معاه شوية صغيرين وبعدين قالوا الزيارة انتهت
انا قعدت معاه وقولتلوا كل اللى فى قلبى
انى بحبه وانى بجد محتاجة له وان البيت وحش من غيره وانى محتاجاه لانه هو اللى بيذاكرلى الحساب والانجليزى
وهو اللى بيلعب معانا انا واريج
بس بقى اتغااااظت لما لقيت اريج طلعت لبابا ورقة وادتها لبابا (جواب )
اريج هى مبتعرفش تكتب لانها لسة صغيره بس ملت احمد اخويا وهو اللى كتب
انا زعلت لان هى مش قالتلى بس مش مشكلة
بابا جبلنا حلويات وعصير وسبوع كمااان بتاع مرات واحد معاهم ههه
ومشينا طبعا اانا عنيا دمعت بس مسحتها على طول

وانا اتبسط انى حضنته وشوفه لانه وحشنى بقالى اسبوعين مشفتوش

اااااااه
علفكرة انااا تمييييييت 10 سنين
واريج تمت 6 سنين الشهر اللى فااااات
بس انا مش هكون مبسوطة ولا هحتفل بعيد ميلادى غير لما بابا يطلع بالسلامة ان شاء الله

هو قاااالى ادعيلى ان العرض يوم السبت وياااااااارب يطلعوا
وقالى انه مبسوط انى عملت مدونة وبكتب اللى انا عايزاه فيها
وقالى خلى بالك من مذاكرتك وقرانك واوعى تزعلى ماما واخواتك

انا بحب اكتب هنا علشان بقول اللى انا عايزاه
وبحبكم اوى

ليييييييييييييه كداااااااااا

ياااااااااارب ياااااااااارب علشان خاطرى طلع بابا بالسلامة

المفروض انه كان يطلع النهاردة والحكم كان النهاردة
ادولوا 15 يوم كمااااااان
وكدا بقالوا شهر ونص
يعنى هيفضلوا كدا لحد امتى
حراااام علللييييييييكو
ربنا على الظالم والمفترى
حسبى الله ونعم الوكييل


وحشنى حضنك يابابا
وحشنى كلامك معايا
وحشتنى ضحكتك
وحشتنى بسمتك
انت بتملى البيت فرح
بجد وحشتنى
انت هترجع امتى
غيبتك طولت اوى
قالولى هتروحى تشوفيه
مكنتش مصدقة اللى سمعته
وجريت لبست اوام انا واريج
ورحنا وقعدنا مستنيين
ندعى ربنا نشوفوا
هما قالوا تعالو الساعة 11
رحنا 11 بالظبط وفظلنا منتظرين
دخلونا الساعة 3 الاربع والساعة 3 قالوا الزيارة انتهت
انتهت ازاى وانا لسة مسلمتش عليه
دا لسه بقولوا وحشتنى دمعت عيونى ومشيت
بس حمدت ربنا انى شفته
يارب علشان خاطرى استجيب ليا
خليه يطلع بالسلامة
وانتو كمان ادعولوا انه يطلع يوم السبت بالسلامة
يمكن ربنا يستجيب دعوة حد فيكم
انا فعلا بحبكم وعلشان كدا بحكيلكم ايه اللى مزعلنى
وانتوا اكيد حاسين بيا
ياقمرى تعالى ونور حياتى
انت بجد وحشتنى
بجد وحشتنى

انا خايفة انهم مش يطلعوه
زى الناس التانية بس والله حرام عليهم اللى بيعملوه
والله الظالمين فى النار والصالحين ليهم الجنة

يااااااااااااااااااااارب يااااااااااااااااااااارب
بابا واحشنى اوى

الارنووب

اولا القصة دى بتاعت اختى الصغيرة اريج
هى قالتلى انا عندى حاجة فى دماغى
ولو سمحتى حطيها فى النت بتاعك ههه
همليكى انت اكتبى
(هى لسه صغيرة مبتعرفش تكتب )
بس هى شافتنى بكتب قصص وبحطها هنا
قالت وانا كمان ههه

صلوا على النبى
كان فيه ارنب ماشى لقى بنت فلة هى كانت ماشية
رايحة المحل علشان تجيب حاجة لصحابتها وهى رايحة تزورها
وهى ماشية لقت الارنب بيعيط قالت انت بتعيط ليه
قال اللعبة بتاعتى ضاعت وهى ماما لسه جايباها وانا زعلان
قالتلوا لا متزعلش دور عليها وادعى ربنا وهتلاقيها
وباست الارنب ومشيت
جه بابا الارنب وهو راجع من الشغل لقاه عمال يعيط فى الشارع قاله مالك قالوا اللعبة الجديدة ضاعت منى
قالوا معلش دور عليها وهتلاقيها بس متتأخرش قالوا حاضر
وقعد يدور فى الشوارع كلها اللى مشى فيها
وبرضو مش لقاها وبعدين قال خلاص وروح البيت
وقعد يعيط مامتوا قالتوا مالك قالها اللعبة بتاعتى ضاعت
منى وانا بلعب بره قالت انت اصلا مش بتحافظ على
حاجاتك ومهمل وانا قولتلك ميت مرة متاخدش اللعب بتاعتك بره
قالها انا اسف واخر مرة والله وصدقينى مامتوا قالتو
ا خلاص وعلشان انت وعدتنى عندى مفجأه
وادتوا كيس فيه اللعبة بتاعة الجوهرة اللى بيحبها
فرح خالص وراح باس مامتوا
وفى يوم صحابوا كلهم كانوا رايحين يلعبوا
هو طلع بره واخد اللعبة معاه تانى ومستأذنش
وكمان ضحك على مامتوا لما قال انا اسف ومش هعمل كدا تانى
وهو كدا وحش وهيروح النار صح ؟
وهو بيلعب
اللعبة قامت اتكسرت قعد يعيط علشان كدا
معدش عندوا لعب كلاها اتكسرت وضاعت
وكمان مامتوا مش هتجيبلوا حاجة تانى
قعد يعيط ويقول انا هعمل ايه دلوقتى وروح البيت
مامتوا قالتلوا مالك فيه ايه تانى قال مفيش وكذب عليها كمان
دخل الاوضة وعيط وقال يارتنى سمعت كلام ماما
وشرب العصير ونام

وتوتة توتة خلصت الحدوتة

امـــى الحـــــبيــبة

اكتب لامى هذه الكلمات واتمنى ان تقرأها

امى لاتحزنى على فراق ابى

انا اعلم ان قلبك حزين

انت معى تضحكين

ومع نفسك تبكين

وتلعبيى معى

وان طلبت منك شىء لا ترفضى

ولكن اعلم انك حزينة

ارى الدمع فى عينيكى كل صباح

ولكن لا تحزني
الاسلام يحتاج الى تضحية
الى قوة الى شجاعة


لاتحزنى فالنور أتى

وسيعمى عيون الظالمين

لاتعتقدى ياامى ان الله غافل

ولكنه يختبرنا

ونحن سنصبر وسنقف يد واحدة

ونقول لا للضعف

امى امى مااحلاكى
انت مثل الشمس تنير حياتى
لاتحزنى الله معنا
لاتخافى على ابى
فالله يرعاه
ادعوا له
وقريبا سنراه
وانا سأدعوا لكى بالشفاء
ياحلى ام فى الدنيا

البدر اختفى
والسماء حزنت
والعيون بكت
والقلوب تمزقت

على فراق حبيبى
فهو لى اعز شخص

اسأل نفسى
ليه منكنش ايد واحدة
ليه دايما متفرقين
ليه دايما لما حد يعمل حاجة صح يعاقبوه
ليه ياخدوهم
ليه يحبسوهم
طب لما ياخدوا الناس الكويسة مين هيحاب اليهود
حد يجاوبنى
عاملين ياخدوا واحد ورا واحد لغاية ماالبلد خربت
ليه يابلدى ماتتحسنيش
ليه متبقيش امه مسلمة
ليه دايما موافقين على الفساد
ليه منحطش ايدينا فى ايد بعض
ونصلح البلد ديا

هو ليه بيمسكوا الناس الكويسة علشان بيعملوا خير
يدخلوا بيتنا وياخدوا حاجتنا ويخلونا زعلانين
هما مش عندهم قلب
ليه بيقولوا علي الناس الكويسة انها هتخرب البلد
دا هما اللى بيدعوا الناس لطريق ربنا
يعنى عايزين ينشروا الاسلام
هو اللى ينشر الاسلام يبقى هيخرب البلد
انا عارفة ليه حبسوكم
علشان مش عايزين الناس تمشى صح
عمالين يحبسو الناس الكويسة
ومش هيبقى غير الفساد
ليه يااهلى ليه ياصحابى ليه ياجرانى ساكتين
ليه الشر هو اللى منشور
والخير دايما مظلوم

وحشتنى اوى

بابا حبيبى ليه ياخدوك

ليه يحبسوك

انت عملت ايه

انت هناك ليه

هو انت علشان بتقول الحق

وتعرف الناس الطريق الصح

يبهدلوك

ربنا قادر عليهم

انا حاسة بيك دلوقى

كانفسى تكون سامعنى

وقلبى عمال بيدعيلك

ترجع ليا بألف سلامة

ومهما ظلموك ومهما خوفوك

انت قوى

وانا عمرى ماهسيب المصحف

ولما اكبر هكون زيك
ومش هخاف

يارب تطلع يابابا وترجع لينا بالسلامة انا واخواتى

كلنا مستنيينك انت وحشتنا

ادعولوا انه يطلع بسرعة

دا كان راجع من السفر علشان يذاكر علشان امتحان الاستاذية

مش عارفة اقول ايه تانى بس ربنا معاكم
وان شاء الله ينصركم

مااحلاكى يامدرستى

صلوا على النبى

كان ياماكان كان هناك بنت اسمها سهى تبلغ من العمر 7 سنين كانت جميلة جدا
وجهها الأبيض وعينها العسلية وشعرها الذهبي الناعم الطويل فهي بنت يحبها كل من رأها
أمها كانت تحبها لأنها تطيعها ولأنها ابنتها الوحيدة فعودتها ع
لى النظام والنظافة وسماع كلام الكبار ومساعدة المحتاج
كانت امها اسمها سما كان جيران سما يحبونها لأنها كانت طيبة وتحب الخير للناس كانت مهندسة ولكنها لم تعمل
وكان أبوها يسمى عادل كان يعمل بالخارج باحدى الشركات
في يوم جلست سهى في غرفتها ترتب ملابسها فكانت فرحانة لأن بعد بضعة أيام ستذهب إلى المدرسة ف
هي مازالت في السنة الأولى من المرحلة الإبتدائية وتمر الأيام وجاء اليوم الأول في الدراسة
كانت سعيدة لبست ملابسها وحضرت حقائبها ثم أعطتها والدتها السندوتشات والعصير ثم اعطتها مصروفها
وطلبت سهى من والدتها أن تذهب معها إلى المدرسة لأنها أول يوم ووافقت سما على طلبها
ذهبت سهى إلى المدرسة وأخذت والدتها تعرفها على المدرسين أنتظرت حتى دق الجرس
وقف التلاميذ في صفوف وألقى المدير عليهم كلمة ورحب بهم وأعطاهم نصائح ليكون تلاميذ مجتهدين
ثم قاموا بعمل التمارين الصباحية وحيو العلم وذهبوا إلى فصولهم قضت اليوم الأول
ودق الجرس حتى يذهبوا إلى بيوتهم ذهبت سهى وهي مسرورة لأنها تعرفت على أصدقاء جدد
وصلت للبيت دخلت غرفتها نظمت ملابسها وأخذت كراستها وعملت واجبها
في اليوم التالي استقيظت من نومها مبكرة صلت الصبح ولبست ملابسها وسرحت شعرها وأخذت حقيبتها
وهي ذاهبة للمدرسة تذكرت أنها نست سندوتشاتها قالت سأتشرى بمصروفي سندوتش
ثم ذهبت للمدرسة وجدت رجل عجوز فقير جالس بجوار المدرسة طلب المساعدة فهو جوعان
فكرت قليلا وتذكرت أمها عندما قالت لها ساعدى المحتاج لأن ربنا حايديكي حسنات كتير
راحت جايبة السندوتش إللى اشترته وقطعته نصفين وأعطته نصف وأخذت النصف الآخر
دخلت المدرسة وهي مسرورة نظرت في الجدول وجدت الحصة الأولى موسيقى فرحت خالص
لأنها تحب الغناء والموسيقى دخلت المعلمة الفصل وشرحت الدرس
وأعطتهم السلم الموسيقي دو رى مي فا صو لا سي دو ثم قالت من يريد الغناء
قالت سهى أنا يامعلمتي وقامت وغنت أنشودة
يامدرستي يامدرستي
ما أحلاكي يامدرستي
أقضي فيكي كل الوقتي
مع أحبابي مع أصحابي
ما أحلاكي يامدرستي
....................
أخذت تنشد وتغني ولما أنتهت صفق لها كل الزملاء ثم قالت لها المعلمة ما أجمل صوتك ياسهى
أنصحك أن تشتركي في النشاطات والحفلات وظلت سهى تنشد وتغني والكل يحب صوتها
وكانت أيضاً مجتهدة في دراستها وظلت على ذلك حتى تخرجت من الجامعة
واصبحت مدرسة موسيقى يحبها الجميع ...

وتوتة توتة فرغت الحدوتة

حلوة ولا بنتوتة

بحبك اوى

ايها العيد المبارك

كم ترقبت نهارك

كم انتظرتك ياعيد

فانت تحتوى الجميع

ياله من يوم سعيد

ايها العيد المبارك

فيك نزور الاقارب

يعطونا العديات

نذهب ونشترى الحلويات

ايها العيد المبارك

كم ترقبت نهارك

انت حياتى

انت ضيائى

ايها العيد كم انتظرت عودتك

وهاانت عدت لنا

فأهلا اهلا ياعيد

عاد العيد وعادت معه ايام الفرحة

فى العيد نلبس الجديد

نقابل الاصدقاء

ونزور الاقارب

عدت ياعيد وعادت معك البهجة

فاهلا اهلا ياعيد

انا بحب العيد اوى بكون مبسوطة يوم الوقفة خالص
وارص هدومى على السرير وافضل مستنية الفجر
علشان اروح الساحة اصلى بلبس الهدوم الجديدة وافطر واروح مع ماما وبابا الساحة نصلى
واسلم على كل صحابى وقرايبى وبعدين ارجع اروح اجدوا وتيتا نقعد شوية
وبعدين اروح اوضب اوضتى وارص اللعب فى البلاكونة علشان صحابى لما ييجوا يلعبوا معايا
وبعدين بنروح نزور خالوا وخالوا وعمتو وبعد مابنرجع
اختى ودموع ياخدونى انا واريج اختى ومريم وسهام ولاد خالى ومنة بنت خالتى ويودونا المراجيح
ننبسط ونلعب ونروح بيكون يوم جميل
انا مبسوطة ان العيد جه تانى لانه بجد عيد سعييييييييد

انا بحبك اوى ياعيد وبستناك من السنة للسنة
وبدعى ربنا ان ايامنا كلها تكون عيد

كل سنة وانتم طيبين

الوداع يا رمضان

الوداع يارمضان

ياشهر التوبة والاحسان

ياشهر الرحمة والغفران

ياشهر القرأن

والمحبة والاطمئنان

الوداع يارمضان

شهر نصل فيه الارحام

احلى شهر فى الاكوان

هو انت يارمضان

الوداع يارمضان

ياشهر انزل فيه القرأن

ياشهر كله بركات

شهر فيه ليلة القدر

ليلة خير من الف شهر

يارب بدعيلك تبلغها لنا

عدت ايامك بسرعة

انا بحبك اوى يارمضان